100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Удмуртиын радъяськись Куиськонъя огъяросси школае пыриськыны 40 пала куриськон вуиз ни

  • 400
  • 0
Ижкар / Удмуртия
Удмуртиын радъяськись Куиськонъя огъяросси школае пыриськыны 40 пала куриськон вуиз ни
Туспуктэм: Григорий Фомин

Удмуртиын 23–28 инвожое радъяськись Куиськонъя огъяросси школаын дышетскыны ог 40 адями куриськон сётӥз ни. Со Великий но Нижний Новгородысь, Москваысь, Кировысь, Челябинскысь, Тюменьысь но мукет каръёсысь ӧнерчиос, ивортэ Удмуртиысь Чеберлыко киужъёсъя элькун юртлэн пресс-службаез.

Фестиваль улсын ортчозы: куиськонлэн праздникез, Алнаш ёросын творчествоя лабораторилэн ужез но «Жилет всегда любим в народе. У молодежи — снова в моде» вожвылъяськон.

Школалэн ужез туала вакытэ киын куэм ужъёсын тодматскон пыр вашкала дыръёсы киын куиськон амалъёсты вӧлмытонлы сӥземын. Отчы куиськонъя но текстилья кибашлыос но дизайнеръёс пыриськозы.
Удмуртиысь Чеберлыко киужъёсъя элькун юртлэн пресс-службаез

23-тӥ инвожое Ижкарысь Киров нимо паркын Куиськонлэн праздникез ортчоз, со улсын «Мелодия тканного полотна» флеш-моб радъяськоз. Отын огдыре 20 куиськон станокъёс пӧртэм амалъя ужалозы. Озьы ик шортэз но станокез куиськонлы дасянэз возьматозы, Удмуртиысь чеберлыко киужъёсъя 23 юртъёсысь но Чеберлыко киужъёсъя йӧскалык центрысь ӧнерчиослэн киужъёсынызы адӟытон-вузкарон ортчоз. Нош 24-28 инвожое Алнаш ёросысь «Варзи-Ятчи» санаторийын Творчествоя лаборатория ужалоз. 26-тӥ инвожое отын куиськон станок лэсьтӥсьёс понна элькун семинар радъяськоз.

Пусъём, Куиськонъя огъяросси школаез Удмуртиысь Чеберлыко киужъёсъя элькун юрт Алнаш ёросысь чеберлыко киужъёсъя юрт юрттэмен радъя. Ужрадлэн кылдытӥсьёсыз — Росси Федерациысь Лулчеберетъя министерство, Россиысь Калык творчествоя юрт, Удмуртиысь Лулчеберетъя но туризмъя министерство. Куиськонъя школа «Россилэн лулчеберетэз (2012–2018 аръёс)» федерал программа но «Удмуртилэн лулчеберетэз» кун программа улсын радъяське.



Наверх
Вниз