100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

14 нылъёс «Красавица в стиле ЭТНО» вожвылъяськонлэн финалаз пыриськозы Удмуртиын

  • 398
  • 0
Дэри / Удмуртия
14 нылъёс «Красавица в стиле ЭТНО» вожвылъяськонлэн финалаз пыриськозы Удмуртиын
Туспуктэм: Григорий Фомин

Чеберлыкъя «Красавица в стиле ЭТНО» калыккуспо вожвылъяськонлэн йылпумъян люкетаз Удмуртиысь, Мордовиысь, Ямало-Ненец округысь, Омск, Челябинск, Белгород улосвылъёсысь, Коми но Карелия Элькунъёсысь 14 нылашъёс потӥзы. Со сярысь ивортодэтъя «Удмуртия» агентстволы вожвылъяськонэз одӥгез радъясь, Дэри ёросысь егитъёслэн центрысьтызы ёзэтлэн кивалтӥсез Илья Ишмуратов вераз. 

Пӧсьтолэзь кутсконын Дэри черкогуртын асьсэ выжыосынызы удмурт, пор, мокша, бигер, башкир, коми, карел, чуваш но ӟуч нылъёс тодматозы. 

Илья Ишмуратовлэн верамезъя, ваньмыз конкурсэ 50-лэсь трос куриськонъёс вуизы. Россиысь сяна, кунгож сьӧрысь но — Шундыпуксён Африкаысь Того Элькунысь но Испаниысь — нылашъёс пыриськыны мылкыд каризы. Жаляса верано, соослэн визаен шугъяськонъёссы кылдӥзы, соин ик финалэ потон понна нылъёс ӧз вожвылъяське ни, шуиз Илья Ишмуратов. Мукет пыриськисьёслэсь видеовозьматонзэс дунъяса, жюри тужгес но кужмооссэ бырйиз.

Жюри видеоосты дунъяз. Куинь курон вал — видео гожтонлэн ӟечлыкез, ачиз сярысь веранлэн пуштросэз, ивортодэтэз творческой амалэн сётон
Илья Ишмуратов, «Красавица в стиле ЭТНО» вожвылъяськонэз радъясь

Со верамъя, финалэ потэм нылашъёс Дэри черкогуртэ 5-тӥ пӧсьтолэзе лыктозы. 5–6 пӧсьтолэзе соос вожвылъяськонлы дасяськозы. Конкурсанткаос понна мастер-классъёс но туспуктон сессия радъяськоз.

Туспуктэмъёсъя соослы балл сётӥське. Собере усьтон ужрадлы дасяськон мынэ. Татын соослэн луоз дефиле, соосын сцена вылын тодматон — со 6-тӥ числое. Нош 7-тӥ числое — чеберлыкъя вожвылъяськонлэн финалэз, кытын соос йӧслыкенызы тодмато
Илья Ишмуратов, «Красавица в стиле ЭТНО» вожвылъяськонэз радъясь

Тодэ вайытом, «Красавица в стиле ЭТНО» калыккуспо вожвылъяськон калык творчествоя «Окно в небо» IX калыккуспо фестиваль-конкурс улсын нырысетӥзэ радъяське. Азьвыл чеберлыкъя конкурс Дэри ёросысь нылъёс пӧлын гинэ ортче вал.

Ватсалом, Фестиваль азьмуртлэн фондысьтыз грант утэмен валче, вожвылъяськонлэн финалаз потэмъёс татын дунтэк улыны быгатозы.



Наверх
Вниз