100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Мунчоен герӟаськем мастер-классъёс ортчозы элькун Герберын Ува ёросын

  • 307
  • 0
Пекшур / Удмуртия
Мунчоен герӟаськем мастер-классъёс ортчозы элькун Герберын Ува ёросын
Туспуктэм: Алексей Арзамасцев

16-тӥ инвожое Ува ёросысь Пекшур гуртын элькун Гербер праздникын мунчоен герӟаськем вожвылъяськонъёс, мастер-классъёс, но лекциос радъяськозы. Со сярысь ивортэ Удмуртиысь Калыкъёслэн эшъяськон юртсылэн пресс-службаез.

Герберын веник керттыны дышетозы, мунчоын тупамон пӧсез кылдытон но возён сярысь лекциос ортчытозы. Со сяна, мылкыд карись куноос интыысь интые ветлӥсь мунчое пырыны быгатозы.

Озьы ик элькунысь муниципал кылдытэтъёслэн тӧрооссы понна веник керттонъя вожвылъяськон радъяськоз. Берло со веникъёсты аукционын вузалозы.

Мунчо удмуртъёслэн улоназы нимысьтыз инты басьтэ. Со мугорез чылкытатон амал гинэ ӧвӧл, мунчоен калыклэн куд-ог йылолъёсыз но герӟаськемын.

Элькун Герберын куноос понна трос пӧртэм ужрадъёс чакламын — котькудӥз удмурт калыклэн лулчеберетэныз тодматскыны быгатоз.



Наверх
Вниз