Ижкар+1 °C
13 -тӥ оштолэзь 2021 Пуксён
18+

40 адями пыриськиз Удмуртиын Куиськонъя огъяросси школае

  • 446
  • 0
Ижкар / Удмуртия
40 адями пыриськиз Удмуртиын Куиськонъя огъяросси школае
Туспуктэм: Михаил Шустов

23–28 инвожое Удмуртиын ортчем Куиськонъя огъяросси школае 40 адями пыриськиз. Ивортодэтъя «Удмуртия» агентстволы со сярысь вераз Удмуртиысь Чеберлыко киужъёсъя элькун центрысь удмурт куиськонъя ёзэтлэн кивалтӥсез Людмила Буянова.

Удмуртиын куинетӥзэ радъям Школае асьме элькунысь сяна, Кировысь, Москваысь, Орёлысь, Астраханьысь, Тюменьысь, Тверьысь, Великий Новгородысь, Нижний Новгородысь, Владимир но Челябинск улосвылысь кибашлыос люкаськылӥзы.

23-тӥ инвожое Ижкарын куиськонъя праздник ортчытыса, мукет нуналъёсаз Алнаш ёросысь «Варзи-Ятчи» санаторийын кибашлыос понна дышетон радъяськиз.

В основном милям дышетскон со вал, ми соин ик ним но понӥм — школа ткачества. <…> Ужан амалъёсын тодматскон любой фестивальын мынэ. Дышетӥсьёсмы вал Москваысь Чуракова Светлана Вениаминовна, Тюменьысь —Козловская Ольга Леонидовна, соос именно куиськонэн дышетъяло
Людмила Буянова, Чеберлыко киужъёсъя элькун центрысь удмурт куиськонъя ёзэтлэн кивалтӥсез

Солэн верамезъя, Удмуртиысь куиськисьёс вашкалагес амалъёсъя ужало вал, нош али дышетӥсьёс валэктӥзы, кызьы ужез ӝоггес лэсьтыны, технологизэ капчигес карыны луэ. Со дыре ик ӟечлыкез уг ышы. Со сяна, ӧнерчиос куиськон схемаосты шонер лэсьтыны дышетӥзы. Людмила Буяновалэн верамезъя, элькунысьтымы кибашлыослы сыӵе тодонлык туж кулэ вал.

Милям туж потэ вал дышетскеммы, кызьы шонер гожтын схемазэ. Тани экспедицие ветлӥськом, материалмы милям туж трос, нош сое ведь описать кароно. Схемаоссэ гожъяно валэктыса, ми бере мукетыз (куиськись — ред.) лыдӟыса, мед со быгатоз сразу ужан. Малы ми бере лыктэм адями эшшо бугыръяськыса кызьы ке, копаськыса кыллёз на? Со сразу валэктыса гожъямын луиз ке, любоез, кин куиськонэн вырыны быгатэ, со должен быгатын ужан соин, материалэн
Людмила Буянова, Чеберлыко киужъёсъя элькун центрысь удмурт куиськонъя ёзэтлэн кивалтӥсез

Чеберлыко киужъёсъя центрын ужасьёслэн одӥгызлэн но технолог ӧнерлы дышетскемзы ӧй вал, соин ик куиськонъя школаын басьтэм визь-кенеш туж пайдаё луоз, пусъе Буянова.

Институтъёс тани Москваын вань, Тюменьын вань, нош милям сыӵеез ӧвӧл, милям сыӵе образованиен адямиосмы ӧвӧл бере, милемлы со туж уг тырмы вал. Киын то ми ваньмы быгатӥськом ужан котьмар но, паймытӥм ни вань дуннеез ужаны быгатэменымы! Туж шумпотӥськом табере асьмеос но шонер быгатом ни ужан, схемаос но ваньзэ лэсьтом, быгатом. <…> Туж паймизы, конечно, асьме куиськисьёслы: кыӵе векчи синьысэн, пе, ужаськоды, сыӵе сложный техникаосыз, осто! Туж паймизы. «В ноги кланяемся» шуыса кошкизы
Людмила Буянова, Чеберлыко киужъёсъя элькун центрысь удмурт куиськонъя ёзэтлэн кивалтӥсез

Вуоноез Куиськонъя огъяросси школа 2020-тӥ арын ортчоз. Людмила Буяновалэн верамезъя, отын выл дӥсь, капчи дӥсь, сумкаос но мукет со выллем арбериос лэсьтонлы саклык висъялозы.

Солэн чакламезъя, али куиськонэн тунсыкъяськон туж будӥз. Азьвыл тросгес арлыдоос дышетскыны лыкто ке вал, али пиналъёс но вуо.

«Соослэн бадӟым интерессы. Соос валало, что асьсэос асьсэ киынызы быгато асьсэлэсь образзэс лэсьтыны. Кызьы ке тани азьло одӥг комплект костюмезлэн вал: дэрем, айшет, кышет отын, пыдкутчанъёссы, саестэмез но керттонъёссы. Но ведь соос ваньзы пӧртэмесь, малы ке шуоно соос магазинысь уг басьто вал, котькудӥз аслыз лэсьтэ вал, ас сяменыз», — пусйиз Чеберлыко киужъёсъя элькун центрысь удмурт куиськонъя ёзэтлэн кивалтӥсез.



Наверх
Вниз