Ижкар+1 °C
13 -тӥ оштолэзь 2021 Пуксён
18+

Юкаменск ёросысь Тылыс гурт Россиысь азинлыко улон интыос пӧлы пыриз

  • 607
  • 0
Тылыс / Удмуртия
Юкаменск ёросысь Тылыс гурт Россиысь азинлыко улон интыос пӧлы пыриз
Туспуктэм: Дмитрий Винокуров

Юкаменск ёросысь Тылыс гурт Россиысь азинлыко улон интыос пӧлы шедиз. Со «Село 21 века» огъяросси вожвылъяськонын вормиз, ивортэ Удмуртиысь гурт возёсъя но сиён-юонъя министерстволэн пресс-службаез.

Юкаменск ёросысь «Деревня Тылыс» ӵектос «Оригинальный подход» (интывылэз азинтонъя программаез пайдаё быдэстон) номинациын пусъемын. Татын инкуазь ошмесъёслэн жильыртэм куараенызы кырӟа. Соослэн лыдзы 30-лэсь ятыр, нош пото соос пырак Мыргетон гурезьысь.
Удмуртиысь гурт возёсъя но сиён-юонъя министерстволэн пресс-службаез

Нялтас вераса, туризмъя «Тылыс» огъетысь одӥгаз сыӵе ошмес вуын оскисьёс чылкытатон йылолэз ортчо. 

Кызьы ивортэ элькунысь гурт возёсъя министерстволэн пресс-службаез, Россиысь гурт егитъёслэн огазеяськонэнызы радъям конкурсэ 33 улосвылъёсысь 114 ӵектос пыриськиз. Тужгес трос проектъёс Татарстанысь, Тюмень улосвылысь но Удмуртиысь вуизы. Тямысэз гинэ соос пӧлысь вормисе потӥзы. Удмуртиысь сяна, Вологда, Тюмень улосвылъёсысь, Пермь шаерысь, Башкортостанысь, Татарстанысь но Крымысь ӵектосъёсты пусйизы. Вормисьёс Москваын «Социальное развитие села — основа территориального развития Российской Федерации» форумын асьсэ проектъёсынызы тодматозы.

Ватсалом, «Село 21 века» вожвылъяськон нырысьсэ радъяськиз. Россиысь гурт егитъёслэн огазеяськонзылы юрттӥзы Федерал Кенешысь гурт возёсъя но сиён-юон политикая но инкуазь узырлыкез уже кутонъя комитетэз, Россиысь Мер палата но Гурт возёсъя министерство. Вожвылъяськонлэн ужпумез — мукетъёсызлы адӟем карымон азинлыко гуртъёсты шараян.



Наверх
Вниз