Ижкар-5 °C
8 -тӥ южтолэзь 2021 Вордӥськон
18+

Вал вылын биатлонэ Дэбес ёросэ 30 пыриськисьёс люкаськозы

  • 494
  • 0
Сюрногурт / Удмуртия
Вал вылын биатлонэ Дэбес ёросэ 30 пыриськисьёс люкаськозы
Туспуктэм: Григорий Фомин

28-тӥ пӧсьтолэзе Дебес ёросысь Сюрногуртэ «Вал вылын биатлон» усьтэм фестивале 30 пыриськисьёс люкаськозы. Со сярысь ивортодэтъя «Удмуртия» агентстволы Дэбес ёросысь лулчеберетъя но туризмъя «Сибирский тракт» центрлэн кивалтӥсез Эльвина Будина вераз.

Солэн кылъёсызъя, ӵошатскон дыръя спортсменъёс вал вылын 3 иськемез вал вылын ортчозы, ыбылӥськон рубежын вить пол ыбозы но финише мынозы. Котькуд пыриськись нимаз ворттылоз, вормисез дистанциез тужгес ӝог ортчемъёс пӧлысь быръёзы.

Со сяна, дырез чаклатэк вал ворттылонъёс но луозы. Мылкыд карисьёс 1 но 2 иськеме потыны быгатозы.

Нош 29-тӥ пӧсьтолэзе татын ик ватка выжыысь валъёсын «Зарни Ватка» адӟытон радъяськоз.

Со ватка выжыысь валъёс. Милям Дэбес ёросысь но куинь возёс пыриське. Якшур-Бӧдья ёросысь, мон тодӥсько, лыкто, Ижкарысь лыкто
Эльвина Будина, лулчеберетъя но туризмъя «Сибирский тракт» центрлэн кивалтӥсез

Кивалтӥсь пусъе, «Вал вылын биатлон» но «Зарни Ватка» спортэз но лулчеберетэз огазеян ужпумен радъяське. Ӵошатсконъёс но адӟытон сяна, ужрадъёс улсын чеберлыко киужъёсъя но дуриськонъя мастер-классъёс, удмурт сиён-юонъёсты веръян, туспуктэмъёсын но нылпи суредъёсын адӟытонъёс, концерт но этнодискотека радъяськозы. Вань ужрадъёсы пырон дунтэк луоз.

Тодэ вайытом, «Вал вылын биатлон» Дэбес ёросын нырысьсэ ортчытӥське. Фестиваль Удмуртилэн ужрад туризмъя дырпусаз пыриз.



Наверх
Вниз