Ижкар+12 °C
10 -тӥ куартолэзь 2021 Вордӥськон
18+

Бесерман но удмурт кылбурчилы Михаил Федотовлы сӥзем интернет-акция кутскиз Удмуртиын

  • 704
  • 0
Ижкар / Удмуртия
Бесерман но удмурт кылбурчилы Михаил Федотовлы сӥзем интернет-акция кутскиз Удмуртиын
Туспуктэм: instagram.com/unatlib

Удмуртиысь йӧскалык лыдӟетъюрт бесерман но удмурт кылбурчилэн Михаил Федотовлэн вордскем дырысеныз 60 ар тырмонлы сӥзем интернет-акци ялӥз. Со сярысь ужъюртлэн пресс-службаез ивортэ.

Кызьы шуэмын ивортонын, куарусён пумозь ужрадэ котькуд мылкыд карись пыриськыны быгатэ.

Акцилэн куронъёсыз:

  1. Михаил Федотовлэсь удмурт яке ӟуч кылын гожтэм кылбурзэ яке кылбур люкетсэ быръёно;
  2. быръем кылбурлэсь пуштроссэ возьматӥсь туспуктэм-натюрморт кылдытоно;
  3. Удмуртиысь йӧскалык лыдӟетъюртлэн «ВКонтакте» но «Instagram» мерлыко вотэсбамъёсаз гожтӥськоно;
  4. кылдытэм туспуктэм-натюрмортэз асьтэлэн «ВКонтакте» яке «Instagram» мерлыко вотэсбамъёсады кылбурлэн нимыныз но #МихаилФедотов хештэген интыяно.
Устозэ ужез куарусён пумын Йӧскалык лыдӟетъюртлэн группаяз куара сётон пыр быръёзы. Акцилы йылпумъянъёсты Михаил Федотовлэн вордскем нуналаз – 7-тӥ коньывуонэ – лэсьтозы.

ВАТСАН

Михаил Иванович Федотов (1958-1995) – Яр ёросысь Ворца гуртын вордӥськем бесерман но удмурт кылбурчи. 1981-тӥ арын Удмурт кун университетысь кылосбуръя факультетэз йылпумъяз. 1983-тӥ арын армиысь бертэмез бере «Удмуртия» книгапоттонилэн редакторез луыса ужаз. Улэп дыръяз «Тӧдьы юсьёс берто», «Берекет», «Вӧсь» бичетъёсыз потӥзы, «Вирсэр» но «Ӝуждала» бичетъёсыз улонысь кошкемез бере печатламын вал. «Берекет» бичетэз понна Флор Васильев нимо премиен пусъемын. Аслаз творчествояз Михаил Федотов бесерман калыклэсь сям-йылолъёссэ но йӧскалык дунлыкъёссэ усьтӥз.


Наверх
Вниз