Ижкар+11 °C
1 -тӥ коньывуон 2020 Покчиарня
18+

Удмурт калыклэн кылдэмез сярысь книга Россиысь 50 устоосыз изданиос пӧлы шедиз

  • 511
  • 0
Ижкар / Удмуртия
Удмурт калыклэн кылдэмез сярысь книга Россиысь 50 устоосыз изданиос пӧлы шедиз
Туспуктэм: Майя Бывальцева

«Удмуртия» издательствоен поттэм книга - Михаил Атамановлэн «Происхождение удмуртского народа» монографиез - Россиысь 50 устоосыз улосвыл изданиос пӧлы пыриз. Туннэ, 30-тӥ пӧсьтолэзе, со сярысь книгапоттони «ВКонтакте» вотэсбамаз ивортэ.

"Удмуртия" издательство

Удмуртиысь книгалэн «Россиысь устоосыз 50 книгаос» конкурслэн номинантъёсыз пӧлы шедемез сярысь ивортодэтъя «Удмуртия» агентстволы азьвылгес вераз вал издательстволэн валтӥсь редакторез Георгий Грязев. Устоосыз пӧлы пырыны осконзы быдэсмиз. 

Вуиз кема возьмам сертификат. Россиысь книга поттӥсьёслэн ассоциацизылэн (АСКИ) «Россиысь устоосыз книгаос» вожвылъяськонэзлы йылпумъянъёсъя кылосбур тодосъя докторлэн, УдГУ-ысь профессорлэн, Удмурт Элькунлэн дано кунмуртэзлэн М. Г. Атамановлэн «Происхождение удмуртского народа» монографиез «50 устоосыз улосвыл изданиос» лыдметэ пыриз
«Удмуртия» книгапоттонни

Ватсалом, Михаил Атамановлэн «Происхождение удмуртского народа» книгаезлэн кыкетӥ изданиеныз тодматон Ижкарын туэ 13-тӥ оштолэзе ортчиз. 

Тодэ вайытом, «Красная площадь» ньылетӥ фестивале «Удмуртия» издательство 70 пала книгаосыныз пыриськиз. Ужрад азьын «ГодЛитературы.РФ» портал улосвыл издательствоослэсь Москвае ваёно кӧня ке тунсыко выль книгаоссэс пусйиз. Соос пӧлы «Удмуртия» издательстволэсь 2017-тӥ арын поттэм «Удмурты: от Вятки до Камы» книгазэ пыртӥзы.

Пусъем, кылем арын Россиысь книга поттӥсьёслэн ассоциацизылэн вожвылъяськонэзлы йылпумъянъёсъя Россиысь устоосыз книгаос пӧлы удмурт калыклэн мифъёсыныз но мадьверосъёсыныз книга - «Удмуртские народные мифы и легенды» - шедиз



Наверх
Вниз