Ижкар+11 °C
18 -тӥ коньывуон 2021 Вордӥськон
18+

Италиысь куинь солистъёс усьтозы выль сезонэз Удмуртиысь операя но балетъя театрын

  • 884
  • 0
Ижкар / Удмуртия
Италиысь куинь солистъёс усьтозы выль сезонэз Удмуртиысь операя но балетъя театрын
Туспуктэм: Григорий Фомин

Удмуртиысь операя но балетъя Чайковский нимо театрлэсь 61-тӥ сезонзэ усьтонын Италиысь куинь солистъёс кырӟалозы. Со сярысь ужъюртлэн «ВКонтатке» вотэсбамаз ивортэмын.

«Италиысь куинь кырӟасьёс шумпотыса Россие лыктыны но милям кылзӥсьёсмы понна кырӟаны мылкыд каризы: со сопрано куараен Филомена Фиттипальди но кык теноръёс – Франческо Цингарелло но Антонино Интерисано», - верамын ивортонын.

Франческо Цингарелло Ижкаре гастрольёсын куинетӥзэ лыктэ ни шуыса пусъемын.

Выль сезонэз 7-тӥ коньывуонэ Дажкомо Пуччинилэн «Турандот» операеныз усьтозы. 10-тӥ коньывуонэ асьме театрысь симфони оркестрлэн «Променад-концерты в оперном» тямыс концертъёсыз пӧлысь нырысетӥзэ - «Operahaus» («Дом оперы») – возьматозы. 

Тодэ вайытом, Удмуртиысь йӧскалык театрын выль сезонлы ньыль выль спектакль дасяло. 20-тӥ куарусёнэ «Мёртвые души» ужзэс возьматозы. Озьы ик куарусёнэ Удмуртиысь театрлэн сцена вылаз аслэсьтыз спектакльёссэ возьматоз Карелиысь йӧскалык театр. 



Наверх
Вниз