Ижкар-26 °C
19 -тӥ толшор 2021 Пуксён
18+

Визьсынан но мастер-класс ортчытозы кинолы сӥзем ужрадын Ижкарысь Космонавтъёслэн парказы

  • 361
  • 0
Ижкар / Удмуртия
Визьсынан но мастер-класс ортчытозы кинолы сӥзем ужрадын Ижкарысь Космонавтъёслэн парказы
Туспуктэм: Удмуртиысь йӧскалык лыдӟетъюртлэн пресс-службаез

Вуись кӧснуналэ, 25-тӥ гудырикошконэ, 17 часысен 19 час 30 минутозь Ижкарысь Космонавтъёслэн парказы «Ночь кино» огъяросси акци улсын ужрадъёс ортчозы. Удмуртиысь йӧскалык лыдӟетъюрт визьсынан но мастер-класс ортчытоз, ивортэ ужъюртлэн пресс-службаез.

Лыдӟетъюртын ужасьёс пиналъёс но бадӟымъёс понна Россиын пуктэм киноез но мультфильмъёсты тодонъя викторинаос дасязы, нош киужъёсын тунсыкъяськисьёс кинохлопушка-открытка лэсьтыны дышетскыны быгатозы.

Тодэ вайытом, «Ночь кино» огъяросси ужрад туэ куинетӥзэ ортчоз ни. Быдэс кунысь музейёсын, лыдӟетъюртъёсын но клубъёсын Россиын пуктэм фильмъёсты но мультфильмъёсты возьмато. Азьвыл аръёсы сямен ик, возьматоно фильмъёсты учкисьёс асьсэос бырйизы. Куара сётыны 20 кинофильмъёс но куать мультфильмъёс ӵектэмын вал. Тужгес трос куара люказы «Рубеж» (режиссёрез Дмитрий Тюрин), «Танки» (режиссёрез Ким Дружинин) но «Последний богатырь» (режиссёрез Дмитрий Дьяченко).

Космонавтъёслэн парказы соосты 20 часын возьматыны кутскозы. 



Наверх
Вниз