Ижкар+1 °C
13 -тӥ оштолэзь 2021 Пуксён
18+

Кыз выжылэсь пелёкучыран, бадьпу ньӧрлэсь пуньы тырон, чорыг – ӟус: маин паймытоз Нылкышно лэнд-артъя элькун фестиваль

  • 450
  • 0
Уддяди / Удмуртия
Кыз выжылэсь пелёкучыран, бадьпу ньӧрлэсь пуньы тырон, чорыг – ӟус: маин паймытоз Нылкышно лэнд-артъя элькун фестиваль
Туспуктэм: vk.com (Елена Белослудцева)

26-31 гудырикошконэ Кияса ёросысь Уддяди гуртын Нылкышноос пӧлын лэнд-артъя нырысетӥез «Кыз» элькун фестиваль ортче. Инкуазь материалъёслэсь кабъёс (фигураос) лэсьтон бордын туннэ Ижкарысь но Кияса ёросысь 11 кибашлыос тыршо. Со сярысь ивортодэтъя «Удмуртия» агентстволы Уддядиысь Удмурт лулчеберетъя центрлэн кивалтӥсез Елена Белослудцева вераз.

Солэн кылъёсызъя, фестивальлэн нырысетӥ нуналаз усточиосты гуртлэн историеныз, вӧсяськон интыосыныз тодматӥзы. Экскурсия дыръя ик нылкышноос ужан материалъёс бичаны но лэсьтоно объектсэс малпаны быгатӥзы.

Огъёсыз тани лэсьто милям пуньы тырон бадьпу ньӧрлэсь. Татысь ик нюкысьтымы утыр бичало, утыр пуньы тырон номыртэм бадӟым лэсьто. Со вашкала пуньы тыронэз мон шедьтӥ вал кемалась ик ӧвӧл одӥг юртысь <…> шӧтдэк шорысь. Мынам ноку но адӟеме ӧй вал сыӵе пуньы тыронэз, пуньы куасьтон-а шуод сое. Тӥни сыӵе модослэсь туж бадӟым пуньы тырон но пельнянь ӝутон эшшо шораз донгозы на
Елена Белослудцева, Уддядиысь Удмурт лулчеберетъя центрлэн кивалтӥсез

kD1eHhyOX4M.jpg
Ужан материалзэс кибашлыос фестиваль дыръя ик бичало Фото: vk.com (Елена Белослудцева) ©

Мукет усточиосын кылдытэм синпелетъёс куинь дуннеез огазеяло: инкуазез, инбамез но музъемез. Нош куд-огез объектъёс, чебересь сяна, пайдаё но луозы, пусъе радъясь.

Бобръёс – таиз инкуазь, шуом, пелёкучыран мар ке быдӟа выжылэсь лэсьтӥзы – инбам, инбаметӥ лоба, музъемлы сӥземзэ возьмаськом. <…> Одӥгез лэсьтӥз чорыг – сом. Вандылымтэ пул шедьтӥм туж чебер, туж кузь со. Солэсь чорыг лэсьтӥзы, чорыг – ӟус
Елена Белослудцева, Уддядиысь Удмурт лулчеберетъя юртлэн кивалтӥсез

AxO9Oz-FyEo.jpg
Усточи инкуазь материалъёслэсь каб лэсьтон бордын Фото: vk.com (Елена Белослудцева) ©

Кивалтӥсь верамъя, нылкышноос пӧлын лэнд-артъя фестиваль ортчытыны малпан ёросын Парк скульптураосъя фестиваль дыръя кылдӥз. Инвожое ортчем ужрадэ воргоронъёс гинэ пыриськизы, нош Чеберлыко киужъёсъя юртысь нылкышноос соослы юрттӥсь интыын вал. «Соослэн кӧня ке йырзы но кур луиз кадь: «Ми ум быгатэ-а, мар-а? Ми но озьы быгатом». Тӥни озьы йыре кылдӥз сыӵе малпан», — валэктӥз Елена Белослудцева. 

Тодэ вайытом, инвожое Глаз ёросын лэнд-артъя «Легенды ДондыДора» нырысетӥез элькун фестиваль ортчиз.



Наверх
Вниз