Ижкар+9 °C
16 -тӥ куарусён 2021 Покчиарня
18+

«Элькуновидение-2018» вожвылъяськонлэн тужгес яркыт люкетэз ортчоз Ижкарын 20-тӥ коньывуонэ

  • 786
  • 0
Ижкар / Удмуртия
«Элькуновидение-2018» вожвылъяськонлэн тужгес яркыт люкетэз ортчоз Ижкарын 20-тӥ коньывуонэ
Туспуктэм: vk.com (Элькуновидение)

Ӵуказе, 20-тӥ коньывуонэ, 15 часысен Ижкарысь «Аксион» лулчеберет дворецын «Элькуновидение-2018» вожвылъяськонлэн тужгес яркыт люкетэз ортчоз. Концертын асьсэлэсь быгатонлыкъёссэс возьматозы 21 кырӟасьёс.

Сцена вылэ потон радлык:

  1. Пичи Пурга ёрос – «Мылкыд» ансамбль 
  2. Вотка ёрос – Евгений Перевозчиков 
  3. Юкаменск ёрос – Валерий Гуляев 
  4. Шаркан ёрос – Александра Протопопова 
  5. Дэбес ёрос – Артемий Гаврилов 
  6. Сюмси ёрос – «Жингыриос» ансамбль 
  7. Балезино ёрос – Вероника Ардашева и Юлия Шмелёва 
  8. Вотка кар – Лариса Загуляева 
  9. Агрыз ёрос (Татарстан) – Марина Матвеева 
  10. Кез ёрос – Сергей Ефремов 
  11. Эгра ёрос - Елизавета Лекомцева 
  12. Можга ёрос – Екатерина Данилова и Валентин Егоров 
  13. Кияса ёрос – Мария Бочкарева 
  14. Глаз ёрос – Юрий Князев 
  15. Октябрь ёрос, Ижкар – Виктор Бочкарев 
  16. Дэри ёрос –«Нош ик чош» ВИА 
  17. Алнаш ёрос – ансамбль «Айлетъ» 
  18. Эгра посёлок – «Гармония» ансамбль 
  19. Индустри ёрос, Ижкар – Полина Невоструева 
  20. Вавож ёрос – Екатерина Краснова 
  21. Можга кар – «Ӟаныкай» дуэт

Тодэ вайытом, «Элькуновиденилэн» нырысетӥ люкетаз радъясьёс пыриськисьёслэсь вожвылъяськонлэн куронъёсызлы тупамзэс чаклазы. Соосты ваньмыз куриськон сётэм кырӟасьёс быдэстӥллям. Кыкетӥ люкетаз соос учкисьёс азьын ёросъёссылэсь но каръёссылэсь данзэ утёзы. Соосты интыосысь келям муртъёслэсь кылдытэм жюри дунъялоз, туэ ваньмыз сямен солэн ёзчиосыз кылем аръёсы «Элькуновидение» пыриськылэм адямиос.

Нялтас вераса, туэ нырысьсэ концертэ лыктэмъёс но куара сётонэ пыриськозы. Соос асьсэ билетэнызы соизлы яке таизлы кырӟасьлы дурбасьтэмзэс вераны быгатозы.

Вожвылъяськонлэн йылпумъян люкетэз Удмуртилэн кунлык нуналаз – 4-тӥ шуркынмонэ – «Мынам Удмуртие» телеканаллэн меӵак эфираз ортчоз. Пыриськисьёсты удысужлыко (профессиональной) жюри дунъялоз. Озьы ик устоез крезьгур но устоез кылбур пусъемын луозы.

Меӵак эфир дыръя ик смс пыр куара сётон радъяськоз. Соос борды концерт дыръя люкам куараосты ватсаса, учкисьлэсь кузьымзэ басьтӥсьлэн нимыз тодмо луоз. 

Тодэ вайытом, «Элькуновидение-2017» конкурслэн концерт люкетаз 19 кырӟан пыриськиз, финалэ 14-ез потӥз. Вожвылъяськонын вормиз Сарапул ёросысь Павел Смирнов «Чирдоз уӵы» кырӟанэныз. Удысужлыко жюри малпамъя, «Элькуновидение-2017» вожвылъяськонлы устозэ кылбурез гожтӥз Дэбес ёросысь Ольга Перевозчикова («Палэзьпу юмшан»), устозэ крезьгурез — Вотка карысь Любовь Иванова («Итаысь италмас»). Учкисьёслэн кузьымзы понна вожвылъяськонын вормиз Шаркан ёросысь Александра Протопопова.

Озьы ик лыдӟе «Элькуновидение» вожвылъяськонлэн режиссёрезлэсь Павел Поздеевлэсь ивортодэтъя «Удмуртия» агентстволы интервьюзэ: «Сила удмуртской песни или секреты успеха «Элькуновидения»



Наверх
Вниз