Ижкар+11 °C
18 -тӥ коньывуон 2021 Вордӥськон
18+

Бесерманъёслэн этнотеатрзы кылдоз Удмуртиысь Яр ёросын

  • 731
  • 0
Яр / Удмуртия
Бесерманъёслэн этнотеатрзы кылдоз Удмуртиысь Яр ёросын
Туспуктэм: Григорий Фомин

Яр ёросысь Вортча гуртын бесерманъёслэн «Колёса питран» этнотеатрзы кылдоз. Ӵектос Азьмуртлэн грантъёсъя фондысьтыз 1 миллион 200 сюрс манет пала утӥз, эшшо 1 миллион 200 манетлэсь трос Яр ёросысь Лулчеберетъя но туризмъя центр пыр ватсалозы. Иворотодэтъя «Удмуртия» агентстволы со сярысь вераз ёросысь лулчеберетъя юртлэн методикая но ивортодэтъя ёзэтысьтыз методист Людмила Яковлева.

Со театрез ми Вортчаысь клубын кылдытӥськомы, инъетэз луоз фольклоръя «Крезь» коллектив. <…> Анай кылын йылолъёсты возьматыса, интерактивной спектакльёс пуктозы. <…> Со спектакльёсы учкисьёс но пыриськыны быгатозы, кылсярысь, сюан яке мукет йылолъёсты возьматонэ пыриськыны
Людмила Яковлева, Яр ёросысь лулчеберетъя юртлэн методикая но ивортодэтъя ёзэтысьтыз методист

Солэн верамезъя, ӵектослэн валтӥсь ужпумез – йӧскалык бесерман кылэз улӟытон.

Бесерман кыллэн гожъяськетэз ӧвӧл, соин ик со бырон калэ вуэмын. Кытын сыӵе шугъяськонъёс вань, кылдо этнической театръёс. Со кылэз улӟытон понна инъет луыны быгатоз
Людмила Яковлева, Яр ёросысь лулчеберетъя юртлэн методикая но ивортодэтъя ёзэтысьтыз методист

Кызьы вераз Людмила Яковлева, Вортчаысь клубын бесерман коркалы укшась висъет лэсьтозы, ӵапак отын вашкала йылолъёсъя спектакльёс возьматъялозы. Со сяна, этнотеатр бесерманъёслэн улон интыостӥзы гастрольёсын ветлон. Туннэ соос Яр, Глаз, Юкаменск, Балезино, озьы ик Киров улосвылысь Слободской ёросысь 41 гуртъёсын уло.

Ӵектосэз 2019-тӥ арысь коньывуонозь улонэ пыӵатыны кулэ. 

Ватсалом, Азьмуртлэн грантъёсъя фондэзлэн вожвылъяськоназ эшшо одӥг бесерман ӵектос вормиз (490 сюрс манет пала). 2019-тӥ арын Юкаменск ёросысь Шамардан гуртын Йӧскалык бесерман лулчеберетъя улосвылкуспо этнофестиваль ортчоз.

Тодэ вайытом. Азьмуртлэн грантъёсъя фондэныз 2018-тӥ арын ортчытэм кыкетӥ конкурсын Удмуртиысь 34 ӵектосъёс вормисьёс пӧлы шедизы. Элькунысь коммерци луисьтэм огазеяськонъёс 40 миллион манетлэсь трос коньдон басьтозы



Наверх
Вниз