Ижкар+11 °C
18 -тӥ коньывуон 2021 Вордӥськон
18+

300-лэсь ятыр адями Дэбес ёросын арня ӵоже удмурт йӧскалык дӥсен ветлӥз

  • 510
  • 0
Дэбес / Удмуртия
300-лэсь ятыр адями Дэбес ёросын арня ӵоже удмурт йӧскалык дӥсен ветлӥз
Туспуктэм: vk.com (Дебёсский центр культуры и туризма "Сиб. тракт")

Дэбес ёросысь 300-лэсь ятыр адями 29-тӥ коньывуонысен 4-тӥ шуркынмонозь удмурт йӧскалык дӥсен пӧрмыса ветлӥз. Удмурт лулчеберетъя элькун арня улсын радъяськем «Удмурт йӧскалык дӥсьлэн арняез» ужрадэ ёросысь 30 ужъюртъёс пыриськизы, ивортэ Дэбесысь лулчеберетъя но туризмъя «Сибыр тракт» центрлэн пресс-службаез.

Акцилы ёросысь 30 ужъюртъёс дурбасьтӥзы. 300-лэсь ятыр адями пыриськиз, тужгес арлыдоезлы 86 арес
Дэбесысь лулчеберетъя но туризмъя «Сибыр тракт» центр

Кызьы шуэмын ивортонын, ужрадэ пересез но, пиналэз но пыриськиз. Йӧскалык дӥськутэн туспуктэмъёссэс ваньзы мерлыко вотэсбамъёсазы пуктӥзы. Озьы соос асьсэлэсь удмурт лулчеберетэн герӟаськемзэс возьматӥзы. 

Та ужрад возьматӥз – удмурт йӧскалык дӥськут вунэмын ӧвӧл, Удмуртиысь лымшор но уйпал ёросъёсын улӥсьёс сое туннэ утё но нулло
Дэбесысь лулчеберетъя но туризмъя «Сибыр тракт» центр

Тодэ вайытом, удмурт дэремлы сӥзем акциос элькунлэн пӧртэм ёросъёсаз пӧртэм вакытэ ортчыло. Кылсярысь, Пичи Пурга ёросын сое Анай кыллэн калыккуспо нуналэзлы тупатӥзы, нош Уваын – Герберлы дасяськонлы.



Наверх
Вниз