Ижкар+12 °C
10 -тӥ куартолэзь 2021 Вордӥськон
18+

Удмуртиысь студентъёс «Огни большого ВУЗа» театр вожвылъяськонын спектакльёс возьматозы

  • 414
  • 0
Ижкар / Удмуртия
Удмуртиысь студентъёс «Огни большого ВУЗа» театр вожвылъяськонын спектакльёс возьматозы
Туспуктэм: vk.com (ОВВР вконтакте)

Удмуртиысь студентъёс «Огни большого ВУЗа» театр вожвылъяськонын спектакльёс возьматозы. Кызьы ивортэ элькунысь Дышетонъя но тодосъя министерстволэн пресс-службаез, ужрад Удмурт кун университетын 19-23 шуркынмонэ ортчоз.

Удмурт кун университетлэн институтъёсысьтыз, филиалъёсысьтыз но трос ӧнеръем колледжъёсысьтыз творчествоя группаос 40 минутозь кыстӥськись спектакльёс возьматозы. Нуналлы быдэ учкисьёс пӧртэм жанрен куинь постановка адӟыны быгатозы.

Арлы быдэ студентъёслэн ужъёссылэн уровенез будэ, ӵектос бере тросэз таланто егитъёс быгатонлыкъёссэс азинто, Ижкарысь театр студиосы но егитъёслэн театръёсазы пырисько. Тросэзлэн театрез яратонзы кылдэ, соос Удмуртиысь театръёслэн ялан учкисьёссы луо
Удмуртиысь Дышетонъя но тодосъя министерстволэн пресс-службаез

Пусъём, театр постановкаосъя арлы быдэ радъяськись конкурс Удмурт кун университетын 18-тӥзэ ортчоз ни. Ӵектосэ ог 300 студентъёс пырисько. Туэ вожвылъяськон Егитъёслэн проектъёссылэн огъяросси конкурсазы утэм грант улсын радъяськоз. Та коньдонэн валче студентъёс понна актёр мастерствоя но сцена вылын вераськонъя мастер-классъёс ортчизы. 



Наверх
Вниз