Ижкар-7 °C
12 толсур 2018 Вирнунал
16+

Лапландиысь Йоулупукки лыктоз Удмуртие

  • 703
  • 0
Ижкар / Удмуртиын
Лапландиысь Йоулупукки лыктоз Удмуртие
Туспуктэм: vk.com (Усадьба Удмуртского Деда Мороза -Тол Бабая)

«Выжыкылысь геройёс Тол Бабайлэн шаераз» VII улосвылкуспо фестивале Удмуртие Финляндиысь Лапландиын улӥсь Йоулупукки лыктоз. Со сярысь ивортодэтъя «Удмуртия» агентстволы Шаркан ёросысь Лулчеберетъя но туризмъя ёзэтлэн кивалтӥсез Лариса Горбушина вераз.

Солэн кылъёсызъя, 7-тӥ толсуре Ижкарын мукет выжыкыл геройёсын ӵош Йоулупукки фестивалез усьтон ужрадэ пыриськоз, нош 8-тӥ толсуре Шарканысь Тол Бабайлэн усадьбаяз люкаськемъёсты шулдыртоз.

Ми быдэс Россиысь Дед Морозъёсты ӧтиськом, котькуд ар пӧртэм улосвылъёсысь лыкто. Потэ вал выльзэ героез, тӥни озьы малпан лыктӥз. Кемалась потэ ни вал ӧтеммы, но малы ке но ӧз пӧрмылы. <…> Нош али со (Йоулупукки – ред.) соглаш луиз, зэмзэ но та вакытэ вуоз шуыса
Лариса Горбушина, Лулчеберетъя но туризмъя ёзэтлэн кивалтӥсез

«Выжыкылысь геройёс Тол Бабайлэн шаераз» фестиваль Удмуртиын сизьыметӥзэ ортчоз ни. 7-8 толсуре элькунамы Великий Устюгысь Дед Мороз, Татарстанысь Кыш Бабай но Кыркызы, Вятские Поляныысь Девица-Метелица но мукет выжыкыл геройёс вуозы. 7-тӥ толсуре фестиваль ужрадъёс Ижкарын ортчозы, мукет нуналаз - Шарканын. 

Тодэ вайытом, али Удмуртиын «Лымыныллы корка» вожвылъяськонэ макетъёсты кутон мынэ. Азьланяз соя зэмос корка пуктыны чакламын.

Выжыкылъёсысь геройёс Тол Бабай дорын куноын


Наши партнеры

Наверх
Вниз