Ижкар+18 °C
6 -тӥ гудырикошкон 2020 Покчиарня
16+

Яратон сярысь 300-лэсь трос произведениосты быдэстӥзы но 500-лэсь трос суредъёсты но киужъёсты возьматӥзы Ижкарын Парадельфи шудонъёсын

  • 371
  • 0
Ижкар / Удмуртия
Яратон сярысь 300-лэсь трос произведениосты быдэстӥзы но 500-лэсь трос суредъёсты но киужъёсты возьматӥзы Ижкарын Парадельфи шудонъёсын
Туспуктэм: Руслан Нуриахметов

Ижкарын ортчем Кыкетӥ калыккуспо Парадельфи шудонъёс улсын яратон, эшъяськон, шаер, инкуазь, шуд но малпанъёс сярысь 300-лэсь трос произведениосты быдэстӥзы, музейёсын но адӟытонъёсъя центръёсын 500-лэсь трос суредъёсты но чеберлыко киужъёсты возьматӥзы. Со сярысь ивортэ Удмуртиысь тӧролэн но кивалтэтлэн пресс-службазы.

11-17 шуркынмонэ Ижкаре Россиысь но 21 кунъёсысь сюрс 500-лэсь трос пыриськисьёс люкаськизы. Творчествоя вожвылъяськонъёс 12 интыын 29 номинациосъя номинациосъя мынӥзы. Искусствоысь тямыс ӧръёс возьматэмын вал: крезьгур, суредан, театр, литература, эктон, цирк, аудиовизуальной искусство но жестовой кырӟан.

Шудонъёсты ворсан ужрадын Операя но балетъя кун театрын вожвылъяськонъёсы пыриськемъёслы но соосты радъясьёслы, волонтёръёслы тау карон кылъёс вераз.

Удмурт Элькун данъяське таӵе бадӟым ужрадэз ортчытыны оскеменызы. Соин ӵош ми валаськомы, шудонъёсты йылпумъян элькунын сӧсыръёслы луонлыкъёс кылдытон ласянь ужез уг йылпумъя. Ми лэсьтомы ваньзэ, элькунысь каръёсын но ёросъёсын со умойгес мед луоз шуыса
Ярослав Семёнов, Удмуртиысь кивалтэтлэн тӧроез

Гала-концертын веразы кунъёсты, кудъёсыз кӧня ке номинациосы пыриськизы но тужгес трос данъетъёс басьтӥзы, со Китай, Белоруссия но Россия.

Россиысь Йӧскалык Парадельфи комитетлэн кивалтӥсез Лидия Абрамова вераз, мар кылёз Удмуртилы Шудонъёс бере.

Кылдытэмын инклюзивной нылпи хор, отчы 5-17 аресъем сӧсыр пиналъёс пыризы. Транспортэ «Вераськись кар» сӧзнэт пуктэмын <…>. Ваньмыз со Удмуртиын кылёз. Нош валтӥсез, мар сётӥзы Парадельфи шудонъёс пыриськисьёслы – со творчество кылын пумтэм вераськонъёс но выль эшъёс
Лидия Абрамова, Россиысь Йӧскалык Парадельфи комитетлэн кивалтӥсез

Тодэ вайытом, шудонъёсты сӥё-дано усьтонэ вуылэм Удмуртилэн тӧроез Александр Бречалов верамъя, та опытэз лыдэ басьтыса, тазалыксыя сюбегатэм луонлыкъёсын нылпиос пӧлын арлы быдэ элькун фестиваль ортчытъяны кулэ.

Нялтас вераса, Россилы луыса Парадельфи шудонъёс дунневыл инлык басьтӥзы. Со сяна, вуоно арын Нырысетӥ Нылпи Парадельфи шудонъёс ортчозы шуыса тодмо луиз, соосты Новосибирскын радъялозы.



Наверх
Вниз