Ижкар-7 °C
12 толсур 2018 Вирнунал
16+

«Ижкарысь песянай-2018» вожвылъяськонэ пыриськисьёс понна интернетын куара сётон кутскиз

  • 549
  • 0
Ижкар / Удмуртиын
«Ижкарысь песянай-2018» вожвылъяськонэ пыриськисьёс понна интернетын куара сётон кутскиз
Туспуктэм: Николай Кузнецов

Ижкарын улӥсь пӧртэм йӧслыкысь нылкышноос пӧлын «Ижкарысь песянай-2018» вожвылъяськонэ пыриськисьёс понна интернетын куара сётон кутскиз. Асьтэ выжыысь яке мукет кельшем песянай понна дурбасьтыны луэ ужрадлэн «ВКонтакте» вотэсысь огиназ, иворто радъясьёс.

Удмурт песянайёслэсь данзэ уте «Удмурт Кенеш» огазеяськонлэн ёзчиез Люция Шкляева. 25 ар ӵоже ни со «Инвожо» ансамбльын кырӟа. Кылбуръёс но кырӟанъёс гожъя, вуриськыны, сад-бакчаяз ужан яратэ.

Кар йӧскалык вожвылъяськонлэн йылпумъян люкетэз 9-тӥ толсуре Ӟуч лулчеберетъя «Русский дом» центрын ортчоз. Пыриськисьёс асэнызы, озьы ик ас калыксылэн песянайёсын герӟаськем йылолъёсыныз тодматӥсь стендъёс дасяны, йӧскалык сиёнэн тодматыны кулэ. Сцена вылын творчествоя быгатонлыксэс, йӧскалык дӥськутсэс возьматозы, юанъёслы валэктонъёс сётозы. Озьы ик нимаз номер дасяны кулэ дурбасьтӥсьёссы но.

Конкурсэ пыриськем вань песянайёсты пӧртэм номинациосъя пусъёзы. Со сяна, вожвылъяськонлэн огиназ радъям куара сётонын вормисьлы нимаз кузьым чакламын.

Ватсалом, Удмуртилэн шоркараз улӥсь поръёслэн «Ижевск Мари» огазеяськонзы та вожвылъяськонэз калыкъёслэн йылолъёсынызы тунсыкъяськонэз будэтон, пӧртэм калыкъёслэсь кусыпъёссэс юнматон, нылкышнолэсь чеберлыксэс возьматон, туала дэменлыкын песянайлэсь интызэ ӝутон вылысь радъя.

Наши партнеры

Наверх
Вниз