Ижкар+11 °C
16 инвожо 2019 Воскресенье
16+

«Мисс Этно» ним басьтӥз удмурт нылаш Анастасия Самигулова «Мисс International – Ufa» вожвылъяськонын

  • 315
  • 0
Уфа / Удмуртия
«Мисс Этно» ним басьтӥз удмурт нылаш Анастасия Самигулова «Мисс International – Ufa» вожвылъяськонын
Туспуктэм: vk.com (Ирина Самигулова)

Башкириысь удмурт нылаш Анастасия Самигулова «Мисс International – Ufa» элькун вожвылъяськонын «Мисс Этно» ним басьтӥз. Калык чеберлыкъя но устолыкъя конкурслэн йылпумъян люкетэз 27-тӥ шуркынмонэ Башкирилэн шоркараз ортчиз но ог 700 учкисьёсты люказ, ивортэмын вожвылъяськонлэн «ВКонтакте» огиназ.

Пӧртэм йӧслыко 12 нылашъёс учкисьёсты но жюриез асьсэ калыкенызы тодматӥзы но творчествоя быгатонлыкъёссэс возьматӥзы. Конкурслэсь валтӥсь кузьымзэ но «Miss International – Ufa» нимез Таджикистанысь Раъно Умурзаковалы сётӥзы. Нырысетӥ вице-мисс Грузиысь Карина Ахвледиани луиз, нош кыкетӥ вице-мисслэсь короназэ Баймак ёросысь Наркяс Арабаева басьтӥз.

Ужрадэз Калыкъёслэн эшъяськон юртсы но Башкортостанысь лулчеберетъя министерство Егитъёсын ужанъя федерал агентстволэн грантэз чотын радъязы. Кызьы пусйиз проектлэн авторез Земфира Рашитова, та ужрад солэн улоназ одӥгез валтӥсез луиз.

Вераны луэ, ми проектэз умой быдэстӥм. Финалисткаос яркыт но данъяськымон асьсэ калыкенызы тодматӥзы, нош валтӥсез – Конгресс-холлэн залэз калыкъёслэн огазеяськон но эшъяськон мылкыдэнызы пыӵатэмын вал. Ужрад вань арлыдъёс понна площадка кылдытэ, кытын яркыт шоу пыр котькудӥз пӧртэм кунъёслэн йылолъёсынызы но лулчеберетэнызы тодматскыны быгатэ
Земфира Рашитова, «Мисс International – Ufa» вожвылъяськонлэн авторез

Тодэ вайытом, вожвылъяськонлэн быръён люкетаз Башкортостанын улӥсь 20 йӧслыкъёслэсь 60-лэсь трос куриськонъёс вуизы.

Наши партнеры

Наверх
Вниз