Ижкар+24 °C
18 гудырикошкон 2019 Воскресенье
16+

Пьесаосъя «Шудом» вожвылъяськонэз ялӥзы Удмуртиын

  • 269
  • 0
Ижкар / Удмуртия
Пьесаосъя «Шудом» вожвылъяськонэз ялӥзы Удмуртиын
Туспуктэм: Алексей Арзамасцев

30-тӥ шуркынмонэ, Удмурт драматургияя школалэн вить ар тырмон нуналаз, Туала драматургияя но режиссурая центр но Удмурт драматургияя школа пьесаосъя «Шудом» усьтэм улосвыл вожвылъяськонэз ялэ. Со сярысь радъясьёслэн «ВКонтакте» огиназы ивортэмын.

Конкурсэ Удмуртиын улӥсь яке вордскем авторъёс пыриськыны быгато. Жюри соослэсь ужъёссэс ньыль ӧръёсъя дунъялоз:

  • Бадӟым формая устоез пьеса;
  • Пичи формая устоез пьеса;
  • Пиналъёслы устоез пьеса;
  • Удмурт кылын устоез пьеса.

Со сяна, элькунлэсь палэнын улӥсь гожъясьёс понна нимысьтыз номинация висъямын. Вожвылъяськонэ пыриськон понна соослэн ужзы одӥгезлы куронлы тупаны кулэ:

  • действие Удмуртиын ортче;
  • одӥгез персонаж удмурт;
  • пьесалэн нимыз Удмуртиен герӟаськемын.

Пьесаосты 2019-тӥ арын 15-тӥ оштолэзёзь csdr.izh@gmail.com электро адресъя келяно. Вормисьёсты кузьымъёсын но коньдонкузьымъёсын пусъён куартолэзе ортчоз.

Ватсалом, Удмурт драматургияя школалэн кивалтӥсьёсыз 30-тӥ шуркынмонэз Удмурт драматурглэн дунневыл нуналэныз юнматыны ӵекто.

Наши партнеры

Наверх
Вниз