Ижкар-7 °C
12 толсур 2018 Вирнунал
16+

Тол Ая пумиталоз куноосты Выль ар шулдыръяськонъёсын Удмуртиысь «Лудорвай» музейын

  • 289
  • 0
Лудорвай / Удмуртиын
Тол Ая пумиталоз куноосты Выль ар шулдыръяськонъёсын Удмуртиысь «Лудорвай» музейын
Туспуктэм: Григорий Фомин

«Лудорвай» музей-заповедникын ортчоно Выль ар шулдыръяськонъёсын куноосты Тол Ая выжыкыл герой пумиталоз. Со сярысь ивортодэтъя «Удмуртия» агентстволы музейлэн тодосъя ӧнерчиез Анастасия Иванова вераз.

Солэн кылъёсызъя, Тол Ая Выль арлэсь валтӥсь геройзэ – Дед Морозэз – шуо. Таӵе ним «Лудорвай» музейын ужасьёс малпазы, малы ке шуоно быдэс элькунлы тодмо Тол Бабай нимлы Шаркан ёрос патент басьтӥз. Озьыен, Тол Бабайлэн усадьбаез сяна, сое мукет ужъюртъёс уже кутыны уг быгато.

Тол Бабайлэн усадьбаез уг лэзьы кутыны асьсэлэсь брендзэс, кудӥзлы патент басьтэмын. Лэзёнтэк милемлы уг яра сое кутыны. Милемлы кулэ луиз шедьтыны выход. Мон малпасько, асьмелэн сыӵе толалтэ персонажмы потоз, кудӥз дыр ортчемъя озьы ик калыклы тодмо луоз
Анастасия Иванова, «Лудорвай» музейысь тодосъя ӧнерчи

Ӧнерчи верамъя, Тол Ая удмурт кыллы тупа но чебер чузъяське.

Ая – со «айы» кыллэсь, со удмурт кыл. <…> Кызьы (тодмо удмурт фольклорист- ред.) Татьяна Владыкина вераз милемлы, со туж вашкала кыл, выжыосыз ӵапак Урал но Алтай котырысь
Анастасия Иванова, «Лудорвай» музейысь тодосъя ӧнерчи

Ватсалом, выль выжыкыл персонажен «Лудорвайын» 23-тӥ толсуре пумиськыны луоз.

Наши партнеры

Наверх
Вниз