Ижкар-7 °C
12 толсур 2018 Вирнунал
16+

Туала киужъя адӟытонэ пыриськыны ӧтё Удмуртиысь усточиосты

  • 164
  • 0
Ижкар / Удмуртиын
Туала киужъя адӟытонэ пыриськыны ӧтё Удмуртиысь усточиосты
Туспуктэм: Наталья Тетерина

Удмуртиысь усточиосты туала киужъя элькун адӟытон-вожвылъяськонэ пыриськыны ӧтё. Конкурс Калык творчествоя элькун юртын 13-23 толсуре радъяськоз. Со сярысь ивортодэтъя «Удмуртия» агентстволы ужъюртысь ӧнерчи Светлана Мельчукова вераз.

Солэн кылъёсызъя, та адӟытонлэн валтӥсь ужпумез – туала киужъёсын выронэз вӧлмытон.

Милям ужпуммы – суредан искусствоез но чеберлыко киужъёсты вӧлмытон. <…> Таиз адӟытон туала искусствоосын герӟаськемын луоз. Ваньмыз, мар лэсьтӥське киын
Светлана Мельчукова, Калык творчествоя элькун юртысь ӧнерчи

Ӧнерчи верамъя, вожвылъяськонэ декупаж, француз гердъёс, кагазлэсь пунон, квиллинг, джинс басмалэсь киужъёс, пластик пакетъёслэсь керттӥськонъёс, лентаосын пужыятӥськон но мукет амалэн лэсьтэм арбериос кутӥсько. Туннэ нуналлы Вотка но Красногорск ёросъёсысь усточиос ужъёссэс келязы ни.

Мон малпасько, адӟытон тунсыко луоз, бадӟым уз. Али ужъёс вуизы кызьпу туйлэсь, пужыятсконъёс, луозы суредъёс
Светлана Мельчукова, Калык творчествоя элькун юртысь ӧнерчи

Пусъём, котькуд усточи конкурсэ вить уженыз пыриськыны быгатэ. Со понна 5-тӥ толсурозь киужъёсты но куриськонъёсты Калык творчествоя элькун юртэ келяно. Тужгес усто ужъёслэсь авторъёссэс 23-тӥ толсуре I, II но III степенё дипломъёсын пусъёзы.

Ватсалом, Калык творчествоя элькун юртын толэзьлы быдэ пӧртэм ӧръёсъя адӟытонъёс ортчо. Та дыре ужъюртын стенд моделирования военно-патриотической темалы сӥзем возьматон радъямын. Татчы Россиысь, Италиысь, Польшаысь, Аргентинаысь 600-лэсь ятыр ужъёс вуизы. 

Тодэ вайытом, Воткаын Чайковскийлэн музей-усадьбаяз Удмуртиысь но Пермь шаерысь кибашлыосын лэсьтэм щелкунчикъёсты возьматозы. 

Наши партнеры

Наверх
Вниз