Ижкар-7 °C
12 толсур 2018 Вирнунал
16+

Бесерманъёс сярысь фильм кылдытоз Санкт-Петербургысь телерадиокомпания

  • 178
  • 0
Ижкар / Удмуртиын
Бесерманъёс сярысь фильм кылдытоз Санкт-Петербургысь телерадиокомпания
Туспуктэм: Григорий Фомин

«Санкт-Петербург» телерадиокомпания Удмуртиын улӥсь бесерманъёс сярысь фильм кылдытоз. Матысь дыре телекомпанилэн съёмочной группаез Яр но Юкаменск ёросъёсы вуылоз, ивортэ элькунысь Калыкъёслэн эшъяськон юртсылэн пресс-службаез.

Ичи лыдъем калык сярысь возьматонэз 2019-тӥ арын 8-тӥ тулыспалэ «Культура» каналын учкыны луоз.

Бесерманъёс сярысь фильмез «Письма из провинции» программаын возьматозы. Со Россиын лулчеберетэз утись но узырмытӥсь адямиос сярысь документальной фильмъёсын сузьет. Программа эфире 15 арлэсь кема дыр ӵоже потэ ни.

Тодэ вайытом, 2018-тӥ арын толшоре Ижкарын улӥсьёсты бесерманъёс сярысь «Нация» фильмен тодматӥзыСанкт-Петербургысь режиссёрлэн Юлия Мироновалэн ужез Юкаменск ёросын кылдытэмын. 

Озьы ик лыдӟе: «Кӧрбан: бесерманъёсын матэгес тодматскыны луонлык».

Наши партнеры

Наверх
Вниз