Ижкар-7 °C
12 толсур 2018 Вирнунал
16+

Сизьым выль кинозалъёс усьтозы Удмуртиын ар пумозь

  • 182
  • 0
Ижкар / Удмуртиын
Сизьым выль кинозалъёс усьтозы Удмуртиын ар пумозь
Туспуктэм: Григорий Фомин

2018-тӥ ар пумозь Удмуртиын сизьым выль кинозалъёс усьтозы. Соосты кылдытон понна элькунысь лулчеберетъя муниципал ужъюртъёс Кинолэн фондэзлэн вожвылъяськоназ быдэн 5 миллион манет утӥзы, ивортэ элькунысь Лулчеберетъя но туризмъя министерстволэн пресс-службаез.

Куатез кинозалъёс – Глазкарысь лулчеберетъя «Россия» центрын, Можгаысь лулчеберетъя «Дубитель» юртын, Вотка ёросысь Новый каргуртысь лулчеберетъя «Звёздный» юртын, Камбарка ёросысь Клубъёслэн шор сӧзнэтазы, Алнашысь но Кезысь лулчеберетъя ёрос юртъёсын - туэ утэм коньдонэн лэсьтэмын. Вотка карысь Киров ульчаысь лулчеберетъя юртын кинозалэз выльдон понна кылем арын утэм 5 миллион манет вӧзы элькун коньдэтысь со мында ик ватсазы на. Та уксёен юртлэсь липетсэ но учкисьёслы залэз тупатӥзы.

Кинозалъёсты усьтон нуналъёс:

  • 6-тӥ толсуре 17 часын – Вотка ёросысь Новый каргуртын лулчеберетъя «Звездный» юртын;
  • 7-тӥ толсуре 18 часын – Глазкарысь лулчеберетъя «Россия» центрын;
  • 13-тӥ толсуре 18 часын – Можгаысь лулчеберетъя «Дубитель» юртын;
  • 14-тӥ толсуре 18 часын – Кез ёросысь лулчеберетъя юртын;
  • 14-тӥ толсуре 18 часын – Алнаш ёросысь лулчеберетъя юртын;
  • 15-тӥ толсуре 16 часын – Камбарка ёросысь клубъёслэн шор сӧзнэтазы;
  • 20-тӥ толсуре 18 часын – Воткинскысь «Кироваысь лулчеберетъя юртын».

Тодэ вайытом, Россиысь кинематографлы мерлыко но экономика ласянь юрттэтъя федерал фондлэн конкурсэз туэ толшорысен южтолэзёзь ортчиз. Солы йылпумъянъёсъя кунысьтымы 56 улосвылысь 172 кинозалъёс юрттэт басьтӥзы.

Наши партнеры

Наверх
Вниз