Ижкар-7 °C
12 толсур 2018 Вирнунал
16+

«Даур гур» фестивальын вормисьёсты пусъёзы Удмуртиын

  • 171
  • 0
Ижкар / Удмуртиын
«Даур гур» фестивальын вормисьёсты пусъёзы Удмуртиын
Туспуктэм: Григорий Фомин

Удмурт лулчеберетъя «Даур гур» IV элькун фестивальлэсь вормисьёссэ пусъёзы Удмуртиын. Данъян ужрад Калык творчествоя элькун юртын йылпумъясь концертын 14-тӥ толсуре ортчоз, ивортэ ужъюртлэн пресс-службаез.

Устооссэ вить ӧръёсъя быръёзы: фольклор, калык кырӟан, инструментъёсъя творчество, калык эктон но эстрадаысь кырӟан. Озьы ик устоезлы муниципал кылдэтлы фестивальлэсь валтӥсь кузьымзэ сётозы.

Концерт удмурт калыклэсь вань творчествозэ огазеяз. Ужрадын кырӟасьёс, крезьгуро инструментъёсын шудӥсьёс, эктӥсьёс но фольклорез быдэстӥсьёс асьсэ быгатонлыкъёссэс возьматозы.

Куноосты калык коллективъёслэн но егит быдэсъясьёслэн выступлениоссы возьмало: «Марӟан», Ерпечкаос», «Чебеляй», «Ингур», Артемий Гаврилов, Богдан Анфиногенов, Марина Галичанина но мукет. Праздниклэн куноез Пермь шаерысь Чайковский карысь «Зарни сӥзьыл» ансамбль луоз
Калык творчествоя элькун юртлэн пресс-службаез

Тодэ вайытом, Калык творчествоя элькун юрт удмурт лулчеберетъя «Даур гур» фестивалез 2012-тӥ арысен радъя. Туэ со удмурт крезьгурчилэн Геннадий Корепанов-Камскийлэн 90 ар тырмонэзлы сӥземын. Со улсын ар ӵоже Удмуртилэн каръёсаз но ёросъёсаз адӟытонъёс, мастер-классъёс, концертъёс, калык шулдыръяськонъёс но мукет ужрадъёс ортчизы. Концерт программаосын 400 пала пӧртэм номеръёс возьматӥзы.  

Наши партнеры

Наверх
Вниз