Ижкар-7 °C
12 толсур 2018 Вирнунал
16+

Шутэтскон нуналъёсты ортчытон понна куинь тунсыкоосыз улосвылъёс пӧлы пыриз Удмуртия

  • 186
  • 0
Ижкар / Удмуртиын
Шутэтскон нуналъёсты ортчытон понна куинь тунсыкоосыз улосвылъёс пӧлы пыриз Удмуртия
Туспуктэм: Григорий Фомин

8-тӥ но 9-тӥ толсуре шутэтскон нуналъёсты ортчытон понна тужгес тунсыко улосвылъёс пӧлы Удмуртия но пыриз. Аналитикая ТурСтат агентство пусъемъя, тужгес тунсыко фестивальёс но праздникъёс Санкт-Петербургын, Тулаын, Ижкарын, Киров улосвылын но Пензаын ортчозы.

Толлэн кутсконаз вить устоосыз ужрадъёс пӧлы шедизы Санкт-Петербургысь «Дуннеысь устоосыз клоунъёс» фестиваль, Тулысь «Россилэн Выль ар шоркарез» праздник, Удмуртиысь «Выжыкыл геройёс Тол Бабайлэн шаераз» фестиваль, Киров улосвылысь «Вятское Новогодище» тол фестиваль но Пензысь калык киужъёсъя «Пенза – устолыклэн шорсюлмыз» фестиваль.

Рейтинг праздникъёслэсь аспӧртэмлыксэс но туристъёслэсь кыстӥськемзэс лыдэ басьтыса кылдытэмын.

«Выжыкыл геройёс Тол Бабайлэн шаераз» VII улосвылкуспо фестиваль 7-тӥ но 8-тӥ толсуре Ижкарын но Шарканын Тол Бабайлэн усадьбаяз ортчоз.

Фестивалез усьтон 7-тӥ толсуре Удмуртиысь Кун циркын ортчоз. Ужрадэ пӧртэм улосвылъёсысь выжыкыл геройёс вуозы, туэ нырысьсэ Лапландиысь Санта Клаус - Йоулупукки – лыктоз. 8-тӥ толсуре шулдыръяськон Шарканын азьланьтӥськоз, отын ик элькунысь нырысетӥзэ Выль ар кызэз ӝуатозы.

Тодэ вайытом, Удмуртиысь Тол Бабай 2018-2019 аръёсы толалтэ тужгес трос куноосты пумитась вить Дед Морозъёс пӧлы шедиз

Наши партнеры

Наверх
Вниз