Ижкар+22 °C
8 -тӥ гудырикошкон 2020 Кӧснунал
16+

Удмуртилэн уйпалысьтыз туризмъя ӵектосъёсты одӥг маршрутэ огазеялозы

  • 538
  • 0
Глазкар / Удмуртия
Удмуртилэн уйпалысьтыз туризмъя ӵектосъёсты одӥг маршрутэ огазеялозы
Туспуктэм: Григорий Фомин

Глазов туризмез элькунлэн уйпалысьтыз муниципалитетъёсын ӵош азинтыны чакла. Со сярысь вераськон мынӥз Глазкарлэн тӧроез Сергей Коновалов кивалтэм улсын ортчем кенешонын, ивортэ муниципал кылдытэтлэн пресс-службаез.

Туризмъя кластерез кылдытонын валтӥсь ӧръёс луозы туризмъя ӵектосъёсты одӥг маршрутэ огазеян, ужбергатӥсьёсын валче ужан, чеберлыко киужъёсты но Удмуртилэн уйпалысьтыз брендъёсты азинтон, федерал программаосы пыриськон.

Туризмез азинтонын валтӥсь инты басьтыны быгатозы «Иднакар» музей-заповедник, «Парафраз» театр, лулчеберетъя но туризмъя «ДондыДор» парк, Тылыс гурт, али ужась ни «Сокровища севера Удмуртии» турмаршрут, «Звёздочка» лагерь но «Снегири» база, уйпал ёросъёсысь киужъёсъя центръёс но йӧскаылк лулчеберетъя огазеяськонъёс, промышленной предприятиос но карысь шутэтскон-шулдыръяськон интыос
Глазкарлэн пресс-службаез

Али Глазкар но уйпал ёросъёс «Развитие внутреннего и въездного туризма в Российской федерации (2019−2025 годы)» федерал программае пырон понна луонлыкъёссэс но ӵектосъёссэс сӧзнало. 

Тодэ вайытом, 2018-тӥ арын Глазкарысь шаертодонъя музейлэн туризмъя «Сокровища севера Удмуртии» маршрутэз «Маршруты России» нырысетӥ ӧнерлыко огъяросси премиын устоосыз пӧлы шедиз



Наверх
Вниз