Ижкар+11 °C
18 -тӥ коньывуон 2021 Вордӥськон
18+

Удмурт йӧскалык фестиваль ортчоз Вятские Поляны карын

  • 735
  • 0
Ижкар / Удмуртия
Удмурт йӧскалык фестиваль ортчоз Вятские Поляны карын
Туспуктэм: Михаил Шустов

27-тӥ толшоре Киров улосвылысь Вятские Поляны карын «Бускельёсын пумиськон» фестиваль ортчоз. Ужрад кунлэн 5 улосвылъёсысьтыз удмуртъёсты люкалоз. Со сярысь Удмуртиысь Калыкъёслэн эшъяськон юртсылэн пресс-службаез ивортэ.

Киров улосвылын таӵе ужрад кыкетӥзэ ортчоз ни. Камсьӧр удмуртъёслэн йӧскалык центрзылэн кивалтӥсез Флюра Чибышева верамъя, ӵапак Вятские Поляныысь азьветлӥсьёслэн тыршеменызы Киров улосвылын удмурт лулчеберетэз но кылэз улӟытон кутскиз.

Киров улосвылын удмуртъёслэн кылзы, лулчеберетсы сямен ик, удмуртъёс тросэн улон интыын, кылсярысь, Слободской ёросын, ыштэмын ни вал шуыны луоз. Но Вятские Поляныын удмурт движение ӝутскемен, улосвылын югдур воштӥськиз. Берло аръёсы отысь удмуртъёс кунысь пӧртэм ужрадъёсы пумен ӵемгес пырисько
Флюра Чибышева, Камсьӧр удмуртъёслэн йӧскалык центрзылэн кивалтӥсез

«Бускельёсын пумиськон» улосвылкуспо фестивале этнографи, фольклор коллективъёсты но быдэстӥсьёсты, чеберлыко киужъёсын вырись усточиосты ӧтё. 

Чаклам арлыд: 0+



Наверх
Вниз