Ижкар-1 °C
20 оштолэзь 2019 Кӧснунал
16+

«Пельняньысен Китаёзь» фестиваль ортчоз Удмуртиын тулыспалэ

  • 254
  • 0
Эгра / Удмуртия
«Пельняньысен Китаёзь» фестиваль ортчоз Удмуртиын тулыспалэ
Туспуктэм: Григорий Фомин

16-тӥ тулыспалэ Удмуртиын «Пельняньысен Китаёзь» («От Пельняня до Китая») фестиваль ортчоз. Со сярысь элькунысь Калыкъёслэн эшъяськон юртсылэн пресс-службаез ивортэ.

Ужрад Эгра каргуртын радъяськоз. Праздниклэн программаяз мастер-классъёс, суредъёсын «Пельнянь историос» адӟытон, «В поисках пельняня» квест но пӧртэм вожвылъяськонъёс.

Озьы ик фестивальын «Йӧскалык марӟан» йӧскалыккуспо конкурс куинетӥзэ ортчоз. Отын пӧртэм калыкъёслэсь пельняньлы «ӵыжы-выжы» луись сиёнъёсынызы тодматозы. 

Озьы ик праздниклэсь кунооссэ ёросысь нылпи садъёсысь но школаосысь пиналъёслэн «Пельнянь дефилезы» шумпоттоз. Со сяна, ческыт фестивальын такмакъёсты быдэстӥсьёслэн «Пельменный переполох» ёроскуспо конкурссы ортчоз, котькуд ар отчы Удмуртилэн кӧня ке ёросъёсысьтыз устоосыз такмакчиос пырисько
Калыкъёслэн эшъяськон юртсылэн пресс-службаез

Сиён-юонлы сӥзем шулдыръяськон каргуртысь кӧня ке интыосын ортчоз – «Эгра» этнопаркын, Шор площадьын но Шаертодонъя музейын.

«Пельняньысен Китаёзь» элькун фестивалез 5 ар талэсь азьвыл Эгра ёросын кылдытӥзы. Та ӵектосэн эграос туризмъя «Маршрут года» огъяросси премилэн призёрез луизы.

Тодэ вайытом, туэ 1-9 тулыспалэ Ижкарын «Пельняньлэн дунневыл нуналэз» фестиваль ортчоз. Радъясьёс азбар шудонъёс но пӧртэм мастер-классъёс дасяло, Богдан Анфиногеновлэн ужрадлы гожтэм кырӟанэз улсын эктон марафон ортче, мылкыд карисьёс удмурт йӧскалык дӥсен туспуктэмъёс лэсьтыны быгато.

Чаклам арлыд: 0+

Наши партнеры

Наверх
Вниз