Ижкар+24 °C
18 гудырикошкон 2019 Воскресенье
16+

Удмуртиысь Пельняньлэн нуналэз Россиысь сиён-юонъя фестивальёслэн лыдметазы нырысетӥ чурын

  • 249
  • 0
Ижкар / Удмуртия
Удмуртиысь Пельняньлэн нуналэз Россиысь сиён-юонъя фестивальёслэн лыдметазы нырысетӥ чурын
Туспуктэм: Григорий Фомин

2019-тӥ арын тулыспалэ ортчоно сиён-юонъя ужрадъёслэн лыдметазы Удмуртиысь «Пельняньлэн дунневыл нуналэз» фестиваль нырысетӥ чурын. Россиысь тужгес ческыт тол праздникъёслэсь рейтингзэс аналитикая ТурСтат агентство кылдытӥз.

Вить тужгес усто ужрадъёс пӧлы Ижкарысь, Севастопольысь, Сочиысь, Владивостокысь но Улан-Удэысь сиён-юонъя фестивальёс пыризы.

  1. Ижкарысь (Удмуртия) йӧскалык сиён-юонъя «Пельняньлэн дунневыл нуналэз» фестиваль
  2. Севастопольысь (Крым) «Крым на тарелке» ресторан фестиваль
  3. Красная Поляна каргуртысь (Сочи) сиён-юонъя IKRA Festival фестиваль
  4. Улан-Удэысь (Бурятия) «Буузын Баяр» праздник
  5. Владивостокысь (Приморье) Навагалэн фестивалез

Сиён-юонъя тол фестивальёслэн рейтингзы соослэн тодмо но аспӧртэмлыко луэмзыя кылдытэмын.

Пусъем, Ижкарысь фестивалез ТурСтат кылем арын но нырысетӥ интые пуктӥз вал.

«Пельняньлэн дунневыл нуналэз» Ижкарын 1-9 тулыспалэ ортчоз. Со улсын удмурт йӧскалык шудонъёсмастер-классъёсвожвылъяськонъёс но трос мукет ужрадъёс ортчозы. Кылем арын фестивале 35 сюрс адями пыриськиз.

Ватсалом, ТурСтат чакламъя, 2018-тӥ арын Удмуртия тужгес трос куноосты пумитам Россиысь 40 улосвылъёс пӧлы шедиз. Кылем арын элькунамы 856 сюрс туристъёс вуылӥзы, 2017-тӥ арен ӵошатыса, со 28 процентлы тросгес. 

Наши партнеры

Наверх
Вниз