Ижкар+1 °C
22 куарусён 2019 Воскресенье
16+

XIX даурысь самоваръёсты адӟыны луэ Удмуртиысь Суредан устолыкъя музейын

  • 202
  • 0
Ижкар / Удмуртия
XIX даурысь самоваръёсты адӟыны луэ Удмуртиысь Суредан устолыкъя музейын
Туспуктэм: Удмуртиысь Суредан устолыкъя музейлэн пресс-службаез

Удмуртиын улӥсьёсты Суредан устолыкъя элькун музее XIX – XX даур кутсконысь самоваръёсты но чай юонэз возьматӥсь суредъёсты учкыны ӧтё. Вӧйдырлы сӥзем «Сказ о пузатых самоварах» адӟытон ужъюртын 31-тӥ толшорысен ужаны кутскиз, ивортэ музейлэн пресс-службаез.

Выль адӟытон сӥземын Вӧйдырлы, куке куное ветло но мильымен утялто вал. Со Россиысь чай юон сямъёс сярысь вера
Суредан устолыкъя элькун музейлэн пресс-службаез

Тросэз экспонатъёс Ижкарысь Анатолий Новиковен люкамын вал. Соос пӧлын Ижысь заводын 1862-тӥ арын поттэм самовар вань, солэн вылтусыз Тулаын поттэм арберилы укшатэмын. Озьы ик учкисьёс курегпуз формаен самоварез, самовар-чайникез но одӥг кружкалы гинэ чаклам самовар-«эгоистэз» адӟозы. Та пичи самовар нылашъёсты ӝӧк вылэ пуктылӥськыны дышетон понна лэсьтэмын вал.

Со сяна, адӟытонын яркыт суредъёс луозы. Кылсярысь, Нинелла Мордвиновалэн «Натюрмортэз», Алла Переверзевалэн «Семья плотника» ужез но мукетыз.

«Сказ о пузатых самоварах» адӟытон 4-тӥ оштолэзёзь ужалоз.

Чаклам арлыд: 0+

Наши партнеры

Наверх
Вниз