Ижкар+11 °C
18 -тӥ коньывуон 2021 Вордӥськон
18+

Эктонъя флешмоб, пӧртэм пельнянез веръян но калык дӥсез возьматон: Ижкарын пельнянь фестивальлэн йылпумъянэз ортчоз

  • 661
  • 0
Ижкар / Удмуртия
Эктонъя флешмоб, пӧртэм пельнянез веръян но калык дӥсез возьматон: Ижкарын пельнянь фестивальлэн йылпумъянэз ортчоз
Туспуктэм: Григорий Фомин

9-тӥ тулыспалэ Ижкарысь Шор площадьын «Пельняньлэн дунневыл нуналэз» фестивальлэн (0+) йылпумъян ужрадэз ортчоз. Со сярысь Удмуртилэн шоркарезлэн пресс-службаез ивортэ. 

Фестивалез ворсанын вань мылкыд карисьёс пӧртэм мастер-классъёсы, вожвылъяськонъёсы, удмурт шудонъёсы пыриськыны быгатозы. Озьы ик адӟытонъёс, вузкаронъёс ужалозы. Со сяна, Пельняньлэсь нуналзэ пусйись мукет интыосын меӵак герӟетъёс луозы. 

Шор площадьын шулдыръяськонлэн радлыкез:

11:00-11:30 – фестивалез усьтон (шор сцена);

11:30-16:00 – концерт программа, со пӧлын – Удмуртиен ӵош Пельняньлэн дунневыл нуналзэ пусйись дуннеысь пӧртэм интыосын меӵак герӟет, фолк-фестиваль, вожвылъяськонъёс но розыгрышъёс (шор сцена);

12:00-12:05 – эктонъя «Танцуй, пока молодой» элькун флешмоб (шор сцена);

13:00-13:30 – мясорубкаез бичанъя чемпионатлэн йылпумъянэз (шор сцена);

10:00-15:00 – фестивальлы юрттӥсьёслэсь вожвылъяськон площадкаос, отын умой синпельёс но кузьымъёс басьтыны луоз;

10:00-18:00 – одӥг интыын пӧртэм калыкъёслэсь пельняньлы укшась сиёнъёссэс но тужгес аспӧртэм пельняньёсты веръяны луоз - «Межнациональный пельменный СЪЕСТ»;

10:00-16:00 – спортъя но шулдыръяськонъя площадкаос, аттракционъёс, удмурт йӧскалык шудонъёс;

10:00-15:30 – семья командаослэн «Русь-матушка» эстафетазы, пызь изонлэн люкетъёсызъя эстафета;

10:00-17:00 – 1-10 аресъем нылпиослы «Шудон корка» площадка («Металлург» культура дворец вӧзысь интыын);

10:00-17:00 – чеберлыко киужъёсын ярмарка;

10:00-17:00 – пельнянен вузкарон (адӟытонъёслы павильон);

11:00-17:00 – 2019-тӥ арлы ужрадъёсын дырпусэн тодматон площадка (адӟытонъёслы павильон);

13:00-14:00 – Ижкарысь но Удмуртиысь дизайнеръёслэсь этноколлекциоссэс возьматон (адӟытонъёслы павильон);

11:00-16:00 – «Ижкарысь открытка» акция, вань мылкыд карисьёс аспӧртэм штемпелен открыткаез дуннелэн пӧртэм сэрегаз лэзьыны быгатозы (адӟытонъёсъя «Галерея» центр);

11:00-18:00 – «Бурановские мотивы» адӟытон (адӟытонъёсъя «Галерея» центр);

12:00-18:00 – пельнянь синпельёсты лэсьтонъя мастер-классъёс (адӟытонъёсъя «Галерея» центр);

16:00-17:00 –вожвылъяськонъёслы, акциослы, «Зарни пельнянь» премилы йылпумъянъёс лэсьтон но вормисьёсты пусъён (шор сцена);

17:00 – «Быдэс арлы тырмымон пельнянь» розыгрыш (шор сцена).

Тодэ вайытом, со нуналэ ик «Лудорвай» музей-заповедникын «Пельнянь веме» ужрад ортчоз.

1-тӥ тулыспалысен фестиваль улсын Ижкарын пӧранъя но творчествоя мастер-классъёс, вожвылъяськонъёс, шудон-шулдыръяськонъёс радъясько. 

ВАТСАН

Удмуртия – пельняньлэн шаерез!» («Удмуртия - родина пельменей!») брендэз азинтон улсын «Пельняньлэн дунневыл нуналэз» фестиваль 2015-тӥ арысен ортчытъяське. Ужрад улосвылэз умой ласянь возьматон, элькунэз палэнын тодмато карон, удмурт йӧскалык лулчеберетэз вӧлмытон вылысь радъяське.  
Фестиваль Russian Event Awards но Eventиада Awards йӧскалык премиослэн азвесь призёрез. Ужрадлэн синпелез «Туристический сувенир» огъяросси вожвылъяськонлэсь валтӥсь кузьымзэ басьтӥз (2016 ар). «Пельменный уикэнд» турмаршрут «Маршрут Года 2016» огъяросси премилэн йылпумъяназ «Лучший событийный туристический маршрут» номинациын нырысетӥ интыбасьтӥз, нош 2017-тӥ арын толшоре «Серебряный лучник» йӧскалык премилэн призёрез луиз. 2018-тӥ «Пельняньлэн дунневыл нуналэз» Россиын сиён-юонлы сӥзем тол фестивальёс пӧлын нырысетӥ инты басьтӥз (ТурСтат агентствоен кылдытэм рейтингын), нош 2019-тӥ арын тулыспалэ ортчоно сиён-юонъя ужрадъёслэн лыдметазы нырысетӥ чуре интыяськиз.


Наверх
Вниз