Ижкар+20 °C
24 гудырикошкон 2019 Кӧснунал
16+

Усточи Анна Образцова: шыкысысен удмурт нылкышнолэн улоназ выль ӧр усьтӥське

  • 429
  • 0
Ижкар / Удмуртия
Усточи Анна Образцова: шыкысысен удмурт нылкышнолэн улоназ выль ӧр усьтӥське
Туспуктэм: Алексей Арзамасцев

Туннэ, 6-тӥ тулыспалэ, Ижкарысь Чеберлыко киужъёсъя элькун юртын «Шкатулкаысен шыкысозь» адӟытон усьтӥськиз. Пулэсь, шашылэсь, куролэсь но мукет материалъёслэсь арбериосты 16 ёросъёсысь усточиос лэсьтӥзы. Со сярысь ивортодэтъя «Удмуртия» агентстволы Чеберлыко киужъёсъя юртысь чеберлыко суреданъя усточи Анна Образцова вераз.

Ӧнерчилэн кылъёсызъя, вашкала дыръя удмурт нылкышнолэн улоназ шыкыс туж бадӟым инты басьтэ вал.

Кышномуртлэн улонэзлэн туж бадӟым ӧрез усьтӥське, ку атаез яке кин ке но выжыез пӧлысь солы кузьма ке чебермаса лэсьтэм шыкыс. Со кышномурт понна сыӵе пус луэ, солы та семьяысь потоно ини шуыса, солэн пирданэз мед луоз ни, мед со пирданзэ туж чебер сандыказ тыроз. Пирданэз кинлы ке яраса, солы син медаз усьы шуыса, <…> (шыкыс вылэ – ред.) кыӵе ке но пус пукто
Анна Образцова, чеберлыко суреданъя усточи

Шыкысъёсын адӟытон

17 фото

Туала вакытэз верано ке, али шыкысъёсты улон интыез чеберъян понна басьто. Туннэ ӵем пумиськылӥсь скандинав стиле яркыт калык арбериосты – шыкысъёсты, куэм шобретъёсты но ӝӧккышетъёсты – пыртыны ярато, шуэ Анна Образцова.

Шыкыс быгатэ пространствоез шыръяны. Со быгатэ луыны ӝӧк но, со быгатэ луыны табуретка но, со быгатэ луыны пӧртэм тумба но. Озьыен, со сыӵе туж многофункциональной луэ, соин туж шумпотыса басьто
Анна Образцова, чеберлыко суреданъя усточи

Усточи пусъе, туннэ нуналлы шыкыс басьтыны мылкыд карисьёс пӧлын арлыдоос но, егитъёс но вань. Валамон, та арберилы куронъёссы соослэн пӧртэмесь.

Арлыдоослэн кӧня ке мукет куронъёссы, соослы со матысь, соин потэ, лэся, пинал дырысьтызы мар ке но сыӵе пыртыны квартираязы, доразы. Нош егитъёс кыӵе ке заказъёс лэсьто ке, соос малпало ини быръем интерьере, кыӵе ке стиле этнической арбери пыртыны. Мыным озьы потэ
Анна Образцова, чеберлыко суреданъя усточи

«Шкатулкаысен шыкысозь» адӟытон Чеберлыко киужъёсъя элькун юртын 28-тӥ тулыспалозь ужалоз.

Чаклам арлыд: 0+

Наши партнеры

Наверх
Вниз