Ижкар+6 °C
18 -тӥ коньывуон 2021 Вордӥськон
18+

Мар пельнянез куиськонэн герӟа: Пельняньлэн нуналэз улсын Удмуртиын киужъя мастер-класс ортчиз

  • 536
  • 0
Ижкар / Удмуртия
Мар пельнянез куиськонэн герӟа: Пельняньлэн нуналэз улсын Удмуртиын киужъя мастер-класс ортчиз
Туспуктэм: Алексей Арзамасцев

6-тӥ тулыспалэ Ижкарысь Чеберлыко киужъёсъя элькун юртын куиськонъя «Синпель» мастер-класс ортчиз. Ужрад «Пельняньлэн дунневыл нуналэз» фестиваль улсын радъяськиз. Мастер-классэ пыриськисьёс кускерттонэз куон амалэн кивесь кылдытӥзы. Со сярысь ивортодэтъя «Удмуртия» агентстволы ужъюртысь удмурт куиськонъя ёзэтлэн кивалтӥсез Людмила Буянова вераз.

Ӧнерчилэн кылъёсызъя, соос кема малпаськизы, кызьы киужез пельнянен герӟано, малы ке шуоно Пельняньлэн дунневыл нуналаз калыкез шумпоттэмзы потӥз. Озьы мастер-классылы «пельнянь» кыллы тупась «Синпель» ним сётӥзы но пыриськисьёслы ас киынызы салам кылдытыны ӵектӥзы.

Куноос лыкто, ӝӧк сьӧрын пуко, ческыт пельнянь сиыса. Пельнянь сииськод ке – сиемын, нош адӟонэз ӧвӧл, кияд уг кыльы. Соин милям со сыӵе салам луэ ни
Людмила Буянова, Удмуртиысь чеберлыко киужъёсъя юртысь ёзэтлэн кивалтӥсез

Кускерттон амалэз мастер-класс понна быръёнлэн эшшо одӥг мугез вань на, шуэ ӧнерчи. Шортлэсь киуж кылдытон сюресэз возьматэ, соин ик кыӵе малпанъёсын синпелез керттӥськод, сыӵе ик сюрес но азьланяз та саламлэсь кузёзэ возьма, лыдъя Людмила Буянова.

«Синпель» мастер-класс

8 фото

Тодэ вайытом, «Пельняньлэн дунневыл нуналэз» улсын Ижкарын 15-лэсь ятыр мастерскойёс ортчозы. Со сяна, мылкыд карисьёсты пӧраськонъя мастер-классъёсы пыриськыны ӧтё. Пельняньлы сӥзем фестивальлэн йылпумъян ужрадэз вуоно кӧснуналэ Ижкарысь Шор площадьын радъяськоз



Наверх
Вниз