Ижкар+20 °C
24 гудырикошкон 2019 Кӧснунал
16+

Гербер улосвылкуспо шулдыръяськон 2019-тӥ арын Эгра ёросын ортчоз

  • 516
  • 0
Ижкар / Удмуртия
Гербер улосвылкуспо шулдыръяськон 2019-тӥ арын Эгра ёросын ортчоз
Туспуктэм: Григорий Фомин

Таяз арын Гербер шулдыръяськон Эгра ёросысь Нюнягурт (Малые Мазьги) вӧзын 29-тӥ инвожое ортчоз. Кызьы вераз журналистъёслы Удмуртиысь Калыкъёслэн эшъяськон юртсылэн кивалтӥсезлэн воштӥсез Татьяна Фёдорова, туэ нырысьсэ со улосвылкуспо инлыкен радъяськоз.

Тужгес бадӟымез праздникмы, туэ со нырысьсэ улосвылкуспо инлык басьтӥз, - со яратоно Гербермы. Ми озьы ик трос куноосты возьмаськомы - Росси Федерацилэн улосвылъёсысьтыз но, Росси Федерацилэн палэнысьтыз но: финн-угор калыкъёсты Финляндиысь, Эстониысь, Венгриысь. Туж оскиськомы, ми доры ваньмыз лыктозы шуыса
Татьяна Фёдорова, Удмуртиысь Калыкъёслэн эшъяськон юртсылэн кивалтӥсезлэн воштӥсез

Озьы ик со пусйиз, Удмуртиын ортчытъяськись вань йӧскалык элькун праздникъёсъя радъясь комитетъёслэн нырысетӥ кенешонъёссы ортчизы ни шуыса. Уж мынэ, шулдыръяськонъёслэн учкетсы (концепцизы) кылдытӥське.

Татьяна Фёдорова верамъя, 8-тӥ инвожое Сарапул ёросын поръёслэн Семык праздниксы ортчоз, со нуналэ ик Юкаменск ёросын - бесерманъёслэн Кӧрбан шулдыръяськонзы. 15-тӥ инвожое Можгаын элькун Сабантуй радъяськоз.

22-тӥ инвожое Красногорск ёросысь Бараны гуртын старообрядческой культурая «Петровское заговенье» V элькун фестиваль ортчоз. Озьы ик инвожое пӧртэм улосвылъёсысь фольклор коллективъёс Сарапул ёросэ ӟуч калык лулчеберетъя «Высокий берег» росси фестивале люкаськозы. 

Чаклам арлыд:0+

Тодэ вайытом, кылем арын элькун Гербер Ува ёросысь Пекшур гурт вӧзын ортчиз. Шулдыръяськонэ 10 сюрс пала люкаськиз. 

Элькун Герберез пусйизы Ува ёросын


Наши партнеры

Наверх
Вниз