100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Удмуртиын малпам Пельняньлэсь дунневыл нуналзэ пусйизы Таллинын

  • 261
  • 0
Таллин / Эстония
Удмуртиын малпам Пельняньлэсь дунневыл нуналзэ пусйизы Таллинын
Туспуктэм: vk.com (Nadi Mush)

Удмуртиысь «Пельняньлэсь дунневыл нуналэз» фестиваль (0+) Таллинэ вуиз. Отын улӥсь удмуртъёс эстонъёсты пельнянь кутыны дышетӥзы. Со сярысь ивортодэтъя «Удмуртия» агентстволы Эстонилэн шоркараз улӥсь удмурт гожъясь Муш Нади (Надежда Печеловодова) вераз.

Солэн кылъёсызъя, Удмуртъёслэсь одӥгзэ яратоно сиёнзэс пӧраны дышетскизы пӧртэм удысъёсын ужасьёс: дышетӥсьёс, суредасьёс, вузкарисьёс, эмчиос.

Таллинын музей под открытым небом вань, отын ми 2-тӥ тулыспалэ дунневыл пельмен нуналэз пусйимы. <…> Пельмен кутӥмы ӟег пызьлэсь корам сильын, пельменлэсь огпал сэрегзэ чепыльтытэк кельтыса. Кутӥмы туала сямен но: цельнозерновой чабей пызен чияен, мукетыз вал шампиньонэн но картошен. Вормисе потӥз вашкала пельмен, синмаськизы кораса дасям сӥль пушкеслы
Муш Нади, Таллинын улӥсь удмурт гожъясь

Пельнянь нунал Таллинын
Таллинын удмуртъёс эстонъёсты пельнянь кутыны дышетӥзы Фото: vk.com (Nadi Mush) ©

Тодэ вайытом, «Пельняньлэн дунневыл нуналэз» фестиваль Удмуртиын 1-тӥ тулыспалэ кутскиз. Со улсын творчествоя но пӧранъя мастер-классъёс, шудонъёс, вожвылъяськонъёс радъясько. Йылпумъян ужрадъёс 9-тӥ тулыспалэ Ижкарысь Шор площадьын ортчозы. Со нуналэ ик мылкыд карисьёс «Лудорвай» музей-заповедникын «Пельнянь веме» ужрадэ пыриськыны быгатозы. 



Наверх
Вниз