Ижкар+7 °C
14 коньывуон 2019 Вордӥськон
16+

Удмурт кылын тужгес кужмоез чеберлыко литература ужлы вожвылъяськон ялӥзы Удмуртиын

  • 5950
  • 0
Ижкар / Удмуртия
Удмурт кылын тужгес кужмоез чеберлыко литература ужлы вожвылъяськон ялӥзы Удмуртиын
Туспуктэм: Григорий Фомин

Удмурт Элькунысь Печатья но калыке ивортодэт вӧлмытонъя агентство но «Кенеш» журнал 2019-тӥ удмурт кылын тужгес кужмоез чеберлыко литература ужлы куинетӥзэ вожвылъяськонэз ялӥзы. Ужъёсты кутон 15-тӥ тулыспалысен 10-тӥ шуркынмонозь мыноз, иворто радъясьёс.

Вожвылъяськонэ Удмуртиын но солэн палэназ улӥсь пӧртэм арлыдо гожъясьёс пыриськыны быгато.

Конкурс сизьым ӧръёсъя радъяське:

  1. Тужгес умоез кузьмадёс, роман (вормисьлы кузьым 30 сюрс манет);
  2. Тужгес умоез верос, новелла, чеберлыко очерк, эссе ( 15 сюрс манет);
  3. Тужгес умоез кылбур сузьет, поэма (20 сюрс манет);
  4. Тужгес умоез пьеса понна (20 сюрс манет);
  5. Пиналъёслы гожтэм тужгес умоез уж (15 сюрс манет);
  6. Чеберлыко литература ужез (ужъёсты) дунъясь яке литературатодосъя тужгес умоез гожтос (15 сюрс манет);
  7. Удмуртысь ӟуч кылэ берыктэм тужгес кужмоез уж (пӧртэм жанрен) (20 сюрс манет).

Вожвылъяськонэ удмурт кылын гожтэм произведениос гинэ кутӥсько, мукет кылъёсысь берыктэм ужъёс лыдэ басьтэмын уз луэ. Конкурсэ ыстэм чеберлыко ужлэн темаез но быдӟалаез котькыӵе луыны быгато.

Радъясьёс пусъё, азьвыл нимаз книгаен потэм яке бичетъёсын, газет-журналъёсын печатлам ужъёс, Интернет вотэс бамъёсын дунтэк потэмъёссэ вератэк, вожвылъяськонэ уг кутӥсько.

Вожвылъяськон литература удысын тыршисьёслэсь быгатонлыксэс йылэтон, гожъяськон удысэ тросгес калыкез кыскон, быгатӥсь егит гожъяськисьёсты утчан но соослы юрттон, удмурт кылэз но литератураез утён но азинтон вылысь радъяське.

Дунъясьёс нырысь ик авторъёслэсь ӝутэм ужпумъёсты чеберлыко, аспӧртэмлыко возьматыны быгатэмзэс, тунсыко сюжет кылдытыны тыршемзэс, жанрлэсь куронъёссэ лыдэ басьтэмзэс, сое узырмытэмзэс, чеберлыко литература кылын гожтыны быгатэмзэс чаклалозы.

Ужъёсты келяно «Кенеш» журналлэн редакцияз таӵе адресъя: Ижкар, Пастухов урам, 13-тӥ юрт яке электрон почтаяз Kenesh-udm@yandex.ru.

Вожвылъяськонлы йылпумъянъёс 2020-тӥ арын толшоре лэсьтозы.

Конкурслэн куронъёсыныз рос-просгес тодматскыны луоз Печатья но калыке ивортодэт вӧлмытонъя агентстволэн но «Кенеш» журналлэн сайтъёсазы.

Тодэ вайытом, удмурт кылын тужгес кужмозэ чеберлыко литература ужез быръёнъя нырысетӥез конкурс 2017-тӥ арын ортчиз, соку радъясьёс доры 100 пала ужъёс вуизы. Кылем арын 75 авторъёс 80 пала произведениос гожтӥзы

Наши партнеры

Наверх
Вниз