Ижкар+11 °C
18 -тӥ коньывуон 2021 Вордӥськон
18+

«Чеберина 2019» ёрос вожвылъяськон ортчоз Пичи Пургаын южтолэзе

  • 835
  • 0
Пичи Пурга / Россия
«Чеберина 2019» ёрос вожвылъяськон ортчоз Пичи Пургаын южтолэзе

Южтолэзе Пичи Пургаын «Чеберина 2019» ёрос вожвылъяськон ортчоз. Ужрад туэ 11-тӥзэ радъяськоз ини, ивортэ Удмуртиысь Калыкъёслэн эшъяськон юртсылэн пресс-службаез.

Конкурс удмурт лулчеберетэз вӧлмытон понна ортчытӥське. Пыриськись нылашъёс одно ик удмурт кылэз тодыны кулэ, учкисьёсты но жюриез асэнызы тодматыны, кырӟаны, эктыны яке мукет быгатонлыкенызы паймытыны но удмурт но ӝыт дӥсен сцена вылтӥ ветлыны.

«Чеберина» ним понна 17-30 аресъем апокъёс вожвылъяськыны быгато. Соос одно ик Пичи Пурга ёросысь луыны кулэ.

Конкурслэн йылпумъян люкетэз 22-тӥ южтолэзе Пичи Пургаысь Лулчеберетъя юртын ортчоз.

Пусйыны кулэ, вожвылъяськон арысь аре тросгес учкисьёс люка. Пыриськисьёс но радъясьёс кужмогес но кужмогес дасясько. Туэ «Чеберинаез» Ури-бери Орина но Пётр Пушкин нуозы, кырӟасьёс Алёна Тимерханова но Иван Котельников люкаськемъёслы шулдыр мылкыд кузьмалозы. 



Наверх
Вниз