100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Тодмо луизы Ижкарын фейерверкъёсын фестивале пыриськись командаос

  • 276
  • 0
Ижкар / Удмуртия
Тодмо луизы Ижкарын фейерверкъёсын фестивале пыриськись командаос
Туспуктэм: Алёна Селезнёва

8-тӥ южтолэзе Ижкарын фейерверкъёсын «Вальс цветов» фестивале куинь команда пыриськоз, иворто радъясьёс.

Фестивале пыриськон понна Россилэн пӧртэм улосвылъёсысьтыз 6 куриськон вуиз. Соос пӧлысь бырйизы:

  • Краснодар карысь «ПИР» команда;
  • Москва улосвылысь Королёв карысь «Имперские забавы» команда;
  • Ижкарысь «Фейерверк-мастеров» команда.

Возьматон Иж тыметлэн ярдураз 19 часын кутскоз.

Со сяна, радъясьёс фейерверкъёс пуштылон азьын селфи-вожвылъяськон ортчытон сярысь ялӥзы. Отчы пыриськон понна туспуктэмъёсты мерлыко вотэсъёсысь бамъёсы #ИжевскСияет хэштеген интыяно. Кык тужгес чебер селфи лэсьтӥсьёс Удмуртиысь Операя но балетъя П. И. Чайковский нимо театрлэн «Ромео и Джульетта» балетэзлэн оштолэзьлы чаклам премьераяз быдэн кык билет басьтозы. Вормисьёсты тужгес трос куара люкамъя быръёзы. Йылпумъянъёсты «ВКонтакте» мерлыко вотэсысь «УдмуртияЗаряжает» огинын 18-тӥ южтолэзёзь шараялозы.

Радъясьёс озьы ик иворто, 8-тӥ южтолэзе фейерверкъёсын фестивалез ортчытонэн валче 18 часысен 21 часозь Иж тыметлэн ярдурез Широкий пролкаысен Дерябин проездозь но Милиционной ульча Широкий пролкаысен Бородин ульчаозь транспортлы ворсамын луозы. 




Наверх
Вниз