Ижкар+9 °C
16 -тӥ куарусён 2021 Покчиарня
18+

Юлия Сунцова УдГУ-лэсь «Мисс студенчества Финно-Угрии» вожвылъяськонэ пыриськоз

  • 1337
  • 0
Ижкар / Удмуртия
Юлия Сунцова УдГУ-лэсь «Мисс студенчества Финно-Угрии» вожвылъяськонэ пыриськоз
Туспуктэм: vk.com (Юлия Сунцова)

«Мисс студенчества Финно-Угрии - 2019» VIII калыккуспо вожвылъяськонэ Удмурт кун университетлэсь Юлия Сунцова пыриськоз. Со сярысь ивортодэтъя «Удмуртия» агентстволы УдГУ-ысь дышетсконэн герӟаськымтэ ужез радъянъя но визьнодан ужъя ёзэтысь мерлыко дышетӥсь Амир Касимов вераз.

Удмурт кылосбуръя, финно-угроведениея но журналистикая институтын 3-тӥ курсын дышетскись Юлия Сунцова мыноз
Амир Касимов, УдГУ-ысь дышетсконэн герӟаськымтэ ужез радъянъя но визьнодан ужъя ёзэтысь мерлыко дышетӥсь

Солэн кылъёсызъя, али кенешо на, творчествоя кыӵе номер возьматоз Юлия Сунцова. Со вашкала сям-йылолъя удмурт кылын туала возьматон луоз, дыр, шуиз со.

Тодэ вайытом, вожвылъяськонэ пыриськисез быръён Удмурт кун университетын 9-тӥ оштолэзе ортчиз. Амир Касимовлэн верамезъя, вазиськисьёс куинь адями вал.

«Мисс студенчества Финно-Угрии - 2019» вожвылъяськон 21-24 куартолэзе Ханты-Мансийскын ортчоз.

Тодэ вайытом, кылем арын конкурсын Удмурт кун университетысь Евгения Аркова вормиз.   



Наверх
Вниз