Ижкар-3 °C
23 -тӥ тулыспал 2020 Воскресенье
16+

Лопшо Педунь сярысь удмурт кылын книга поттыны дасяло Ижкарын

  • 616
  • 0
Ижкар / Удмуртия
Лопшо Педунь сярысь удмурт кылын книга поттыны дасяло Ижкарын
Туспуктэм: Руслан Нуриахметов

«Удмуртия» книгапоттонниын маскарчи Лопшо Педунь сярысь удмурт выжыкылъёсын книга поттыны дасяло. Со сярысь ивортодэтъя «Удмуртия» агентстволэн корреспондентэзлы книгапоттоннилэн кивалтӥсез Юрий Кузнецов вераз.

Кемалась ик ӧвӧл, книгапоттонниын Лопшо Педунь сярысь ӟуч кылын 64 бамъем чибориё книга поттӥзы. Отчы удмурт амало, маскарчи муртъёс сярысь выжыкылъёс пыризы. Нош выжыкылъёсын удмурт книга «Лопшо Педунь, Алдар Иван но мукетъёсыз» нимаськоз. Юрий Кузнецовлэн кылъёсызъя, удмурт кылын книга ӟуч кылынэзлэсь кык поллы зӧкгес луоз. Суредъёссэ, азьвыл потэм книгалы сямен ик, Михаил Вахрин дасялоз.

Та Лопшо Педунь сярысь книгаос пумысен туж бадӟым тау вераме потэ Йӧскалык лыдӟетъюртлы. Малы ке шуоно соос милям потэм книгаосысьтымы ик, 30-тӥ аръёсысен кутскыса, шедьтылӥзы пырыен-пырыен кытчы ке но книгаосы пырем выжыкылъёсты. И сыӵе туж тунсыко выжыкылъёс шедьтылӥмы, сюлэм ик шумпотэ
Юрий Кузнецов, «Удмуртия» книгапоттоннилэн кивалтӥсез

Лопшо Педунь сярысь ӟуч книгалэн бамъёсыз

3 фото

Тодэ вайытом, кылем арняе книгапоттонниын удмурт калыклэн мадькылъёсыныз но выжыкылъёсыныз «Мифы, легенды и сказки удмуртского народа» ӟуч кылын книга поттӥзы.

Вераны кулэ, книгапоттоннилы туэ 100 ар тырме. Со сярысь Юрий Кузнецов «Удмурт Кенеш» огазеяськонлэн Пичи кенешаз вераськиз

Наши партнеры

Наверх
Вниз