Ижкар+9 °C
16 -тӥ куарусён 2021 Покчиарня
18+

2-тӥ инты басьтӥз Чеберлыко киужъёсъя центрлэн ӵектосэз «Диво России» фестиваль-конкурсын

  • 744
  • 0
Саратов / Россия
2-тӥ инты басьтӥз Чеберлыко киужъёсъя центрлэн ӵектосэз «Диво России» фестиваль-конкурсын
Туспуктэм: Николай Кузнецов

Чеберлыко киужъёсъя центрлэн «Традиционные ремёсла Удмуртии» фильмез Саратовын ортчем «Диво России» фестиваль-конкурсын «Туристские подарки, сувениры и ремёсла» номинациын 2-тӥ инты басьтӥз. Фильмлэн авторез Влад Степанов луэ. Со сярысь ивортодэтъя «Удмуртия» агентстволэн корреспондентэзлы «Лудорвай» музей-заповедниклэн кивалтӥсез Татьяна Шкляева вераз.

Огъя «Диво России» фестивалья вань номинациосъя 400-лэсь трос ужъёс вал -видеопрезентациос. Соос ваньзы ик по номинациям люкылэмын вал. Номинациос 15-лэсь трос вал, мон чакламъя. <…> Мон тодматӥ Гуртfest фестиваленымы Лудорвайысь но «Традиционные ремёсла Удмуртии» фильмен. Солэн авторез Влад Степанов луэ
Татьяна Шкляева, «Лудорвай» музей-заповедникен кивалтӥсь

Гуртfest фестиваль вормисьёс пӧлы ӧз ке но пыры, полуфиналэ потэм дас устоосыз пӧлы шедиз.

Милям тани Гуртfest фестивальмы со паськыт фестиваль, басьтэ пӧртэм-пӧртэм ӧръёсты, нош, мон валамъя, интыос басьтӥзы мур пуктэм ужъёс, милям укыр паськыт со фестивальмы
Татьяна Шкляева, «Лудорвай» музей-заповедникен кивалтӥсь

Ӧнерчилэн кылъёсызъя, фестиваль-конкурсэ Удмуртиысь эшшо мукет ӵектосъёс но пыриськизы на.

Азьланяз вормисьёс пӧлы сюрем ужъёс Тулаын ортчоно финалэ пыриськозы. 



Наверх
Вниз