Ижкар-12 °C
7 -тӥ южтолэзь 2021 Воскресенье
18+

Пешниклы сӥзем «Pest-Fest» фестиваль ортчоз Удмуртиын 18-тӥ куартолэзе

  • 560
  • 0
Кез / Удмуртия
Пешниклы сӥзем «Pest-Fest» фестиваль ортчоз Удмуртиын 18-тӥ куартолэзе
Туспуктэм: Алексей Арзамасцев

18-тӥ куартолэзе Кезын пешник бичан вакытлы сӥзем IV элькун «Pest-Fest» фестиваль ортчоз. Со сярысь ёросысь лулчеберетъя юртлэн кивалтӥсез Валентина Иванова вераз.

Сяме пырем фестиваль улсын пӧртэм ужрадъёс ортчозы. Кылсярысь, пешник костюмъёсын «Коштан пешник» вожвылъяськон, егитъёслы квест, бард кырӟанъя «Пой, моя гитара!» вожвылъяськон, уйпал удмуртъёслэн пӧрамъёсынызы «Искусство кулинарии»вожвылъяськон но мукетъёсыз.

Муниципальной образованиос возьматозы асьсэлэсь пӧрамзэс, поттозы дегустацие, сюдомы пешник шыдэн <…> Тунсыко луоз туэ усьтон сценариймы. Кылем арын ветлӥз «Джигурда», туэ лыктоз «Бузова» дорамы. Выль кырӟан гожтэмын Кез сярысь, пешник октон сярысь, брендмы милям сыӵе шуыса. «Играй, гармонь! Звени, частушка» конкурсэ пыриськыны дасясько мукет ёросъёс. Конкурс луоз одно ик - пешник сярысь частушкаос кырӟалозы. Шудон площадкаос, нылпиослы площадкаос луозы, пешниклы сӥзем но калык шудонъёс луозы
Валентина Иванова, Кез ёросысь лулчеберетъя юртлэн кивалтӥсез

Кивалтӥсьлэн верамезъя, кылем арын фестивале вить пала ёросъёс пыриськизы, фестивале сюрлэсь ятыр адями люкаськиз.

Конкурсъёс сяна, фестивальын вузкарон интыос радъямын луозы, Москваысь Арбатын выллем урам кузя суредасьёс, кырӟасьёс, арганчиос, кылбур гожъясьёс сылозы.

Ужрад 11 часын усьтӥськоз.

Тодэ вайытом, 5-7 пӧсьтолэзе Шаркан ёросын финн-угор сиён-юонъя «Быг-быг» VI калыккуспо фестиваль ортчоз



Наверх
Вниз