Можгаысь искусствоосъя нылпи школаысь театр ёзэтын дышетскись Денис Буторин «Будущее России» йӧскалык премиез басьтӥз. Конкурслэн йылпумъясь люкетэз но гала-концерт оштолэзь пумын Москваын ортчиз. Со сярысь премилэн «ВКонтакте» мерлыко вотэсысь нимлыко бамаз ивортэмын.
Пияш Ольга Берггольцлэсь «Баллада о младшем брате» кылбурзэ лыдӟиз. Финаллы йылпумъянъёсъя со «Художественное чтение» номинациын вормисе потӥз.
Можгаысь искусствоосъя нылпи школаысь дышетӥсьлы Ольга Овчинниковалы пинал усточиосты быгатыса будэтэмез понна Йӧскалык премилэн лыдъямезъя 2019-тӥ арын Россиысь устоезлы кивалтӥсьлы шуыса таукарон сётӥзы.
2019-тӥ арын вожвылъяськонэ Россиысь 8 федерал округъёсысь 170 каръёсысь 2 сюрслэсь ятыр вазиськонъёс сётӥзы
Тодэ вайытом, Пичи Пургаысь Ульяна Иванова шашкиен шудонъя Европалэн первенствояз кык зарни медаль утӥз.