«Удмуртия» издательстволэн «Удмурты: тайна тамги» книгаез Россиысь книга поттӥсьёслэн ассоциациенызы ортчытӥськись «Россиысь устоез книга» вожвылъяськонлэн кузь лыдметэ шедиз. Со сярысь ужъюртлэн «ВКонтакте» вотэсысь бамаз .
Удмуртиысь книга кык номинациосын пусъемын.
Вожвылъяськонэ Россиысь 150-лэсь трос издательствоослэн 1 сюрслэсь трос книгаоссы пыро. Йылпумъянъёс инвожо кутсконын «Красная площадь» книга фестивальын лэсьтозы.
Тодэ вайытом, удмуртъёслэн выжы пусъёссы сярысь книга 2018-тӥ ар пумын потӥз. Отчы удмурт пусъёсты, лыдпусъёсты но пужыосты эскерисьёслэн ужъёссы пыризы.
Пусъём, 2017-тӥ арын «Удмуртия» издательстволэн «Удмуртские народные мифы и легенды» книгаез «Россиысь устоез книга» вожвылъяськонлэсь дипломзэ басьтӥз но кунысь 50 устоосыз книгаос пӧлы пыриз.