Ижкар+22 °C
11 -тӥ пӧсьтолэзь 2020 Кӧснунал
16+

Удмуртиысь Ярослав Зорин лыдӟисьёслэн огъяросси вожвылъяськонзылэн финалаз потӥз

  • 255
  • 0
Гурзуф / Россия
Удмуртиысь Ярослав Зорин лыдӟисьёслэн огъяросси вожвылъяськонзылэн финалаз потӥз

Можгаысь Ярослав Зорин пинал лыдӟисьёслэн «Улэп классика» («Живая классика») огъяросси вожвылъяськонзылэн финалаз потӥз. Со сярысь «Улэп классика» фондлэн пресс-службаез ивортэ.

Огъяросси конкурслэн быръён люкетъёсыз «Артек» нылпи центрын ортчизы. Кунлэн 85 улосвылъёсысьтыз 255 пыриськисьёс классика но туала прозаысь люкетъёсты лыдӟизы.

Зэмзэ вераса, Улэп классикае пыриськон – со асме но аслэсьтым быгатонлыкме эскерон. Вожвылъяськон мон понна – со выль опыт басьтыны, тунсыко адямиосын тодматскыны луонлык. Туж шумпотӥсько, «Живая классика» конкурслы луыса пиналъёс выльысь литератураен тунсыкъяськыны кутскизы шуыса
Ярослав Зорин, «Улэп классика» вожвылъяськонэ пыриськись

Вожвылъяськонлэн йылпумъян люкетэз 15-тӥ куартолэзе ӝытзе ортчоз. Меӵак возьматон вожвылъяськонлэн сайтаз мыноз. Кунысь тужгес устооссэ пинал лыдӟисьёсты кизилиослэсь жюри дунъялоз, солэн огинэтаз (составаз) актриса Наталья Варлей, актёр Сергей Горобченко но гожъясь Марина Москвина.

Тодэ вайытом, «Улэп классика» конкурслэн улосвыл люкетаз 4 сюрс пала адями пыриськиз. Огъросси финалэ 3 пиналъёс лыдӟисьёс мынӥзы.

ВАТСАН

«Улэп классика» вожвылъяськон Россиын тямысэтӥзэ ортче, отчы 5-11 классъёсын дышетскисьёс пырисько. Быръён люкетъёс классын, школаын, ёросын но улосвылын радъясько. Устоосыз огъяросси финалэ «Артек» центре люкасько, нош тужгес кужмоосыз Москваысь Горд площадьын суперфиналын быгатонлыкъёссэс возьмато.


Наверх
Вниз