Ижкар+22 °C
11 -тӥ пӧсьтолэзь 2020 Кӧснунал
16+

Книгаез но лыдӟиськонэз азинтон удысын Зоя Богомолова нимо премиез басьтӥсьёсты шараязы Удмуртиын

  • 354
  • 0
Ижкар / Удмуртия
Книгаез но лыдӟиськонэз азинтон удысын Зоя Богомолова нимо премиез басьтӥсьёсты шараязы Удмуртиын
Туспуктэм: vk.com (Владимир Соловьёв)

Удмуртиын книгаосты но лыдӟиськонэз азинтон удысын элькун кивалтэтлэсь Зоя Богомолова нимо премиез басьтӥсьёс тодмо луизы. Туннэ, 16-тӥ куартолэзе, улосвылысь лулчеберетъя министерствоын премиен пусъёнъя ӧрилэн кенешонэз ортчиз. Со сярысь «ВКонтакте» мерлыко вотэсысь бамаз Удмуртиысь лулчеберетъя министр Владимир Соловьёв ивортэ.

«Библиотека но лыдӟиськон» ӧрын Зоя Богомоловалэсь нимзэ нуллӥсь арлы быдэ сётъяськись премиез басьтозы:

  • Нылпиослы но быдэ вуымтэослы элькун лыдӟетъюрт (библиотекалы 100 ар тырмонлы сӥзем улосвыл ужрадъёс понна);
  • Ярысь ёрос лыдӟетъюрт («Звени над Яром, песня Флора» литературая бадӟым марафон понна).

Пусъём, 2019-тӥ арын «Библиотека но лыдӟиськон» ӧръя 11 муниципал кылдытэтъёсысь 12 ӵектосъёс вуизы. 

Удмуртиысь кивалтэтлэн пуктэмезъя, книгаез но лыдӟиськонэз азинтон удысын З. А. Богомолова нимо премиез басьтон понна вожвылъяськон элькунын 2018-тӥ арысен ортчытъяське. Вожвылъяськон кык ӧръёсъя мынэ: «Литературая критика» но «Библиотека но лыдӟиськон».

Тодэ вайытом, 2018-тӥ арын Зоя Богомолова нимо премиен Удмуртиысь Йӧскалык лыдӟетъюртэз но Сюмсиысь ёрос лыдӟиськонниез пусйизы

ВАТСАН

Зоя Алексеевна Богомолова (1923-2012) – гожъясь, литератураез эскерись, дышетӥсь. СССР-ысь гожъясьёслэн огазеяськонзылэн ёзчиез, Удмурт АССР-ысь лулчеберет удысысь дано ужась, Удмурт Элькунлэн дано кунмуртэз.


Наверх
Вниз