Ижкар+22 °C
11 -тӥ пӧсьтолэзь 2020 Кӧснунал
16+

Улосвылкуспо «Усточи-мастер» III адӟытон-вожвылъяськон ужзэ мытӥз Удмуртиын

  • 287
  • 0
Ижкар / Удмуртия
Улосвылкуспо «Усточи-мастер» III адӟытон-вожвылъяськон ужзэ мытӥз Удмуртиын
Туспуктэм: Лулчеберетъя министерстволэн пресс-службаез

Ижкарын Удмуртиысь но Пермь улосвылысь каръёсысь но ёросъёсысь пинал кибашлыослэн ужъёсынызы «Усточи-мастер» III улосвылкуспо адӟытон-вожвылъяськон кутскиз. Ужрадэз сӥё-дано усьтон 14-тӥ куартолэзе Удмурт кун университетысь Музейя но дышетонъя чеберлыко центрын ортчиз. Со сярысь лулчеберетъя министерстволэн пресс-службаез ивортэ.

Ужрадэ 120 адями пыриське, соос пӧлын Удмуртиысь Лулчеберетъя элькун колледжысь, Воткаысь искусствоосъя 2 номеро школаысь, Ижкарысь искусствоосъя 9 но 13 номеро школаосысь, Алнашысь, Пичи Пургаысь, Шарканысь искусствоосъя школаысь дышетскисьёс. 

Адӟытонэ пыриськисьёс арлыдъя куинь группаослы люкемын:

  • покчи группа – 11-15 аресъем дышетскисьёс;
  • шор группа – 16-17 аресъем дышетскисьёс; 
  • бадӟым группа – шоръёзо ӧнер сётӥсь юртъёсын дышетскисьёс.

Адӟытонэз усьтэм бере университетын гобелен, батик, керамика, монументальной искусство, скульптура, корт, ювелир уж ӧръёсъя мастер-классъёс ортчизы.

Конкурсантъёс, пыриськемзы сярысь сертификатъёс басьтэм сяна, Удмурт кун университетысь Искусствоосъя но дизайнъя институтысь «Декоративно-прикладное искусство и народные промыслы» ӧре дышетскыны пырыкузы ватсаса баллъёс басьтозы.

Конкурслы йылпумъянъёс 30-тӥ куартолэзе лэсьтозы. Соку ик вормисьёсты но пусъёзы.



Наверх
Вниз