Ижкар+2 °C
27 -тӥ коньывуон 2020 Пуксён
18+

Удмуртиысь фольклор коллективъёс вормонъёс басьтӥзы Саратовын фестиваль-вожвылъяськонын

  • 428
  • 0
Саратов / Россия
Удмуртиысь фольклор коллективъёс вормонъёс басьтӥзы Саратовын фестиваль-вожвылъяськонын
Туспуктэм: vk.com (Народное творчество Удмуртии)

Саратовын Огъяросси фестиваль-вожвылъяськонлэн нырысетӥ улосвыл люкетэз йылпумъяськиз. Отчы Урал но Приволжск федерал округъёсысь 60 пала коллективъёс пыриськизы, ивортэ Удмуртиысь тӧролэн но кивалтэтлэн пресс-службазы.

Алнаш ёросысь «Азвесь гырлы» ансамбль фестивальлэн лауреатэз нимез басьтӥз но «Лулчеберет» йӧскалык ӵектос улсын грант утӥз. Коллективен Светлана Иванова кивалтэ.

Со сяна Дэри ёросысь «Марӟан» но Пичи Пурга ёросысь «Арганчи» калык ансамбльёс 1 степенё диипломъёс басьтӥзы. Нош Кияса ёросысь «Ерпечкаос» калык ансамбль 3 степенё дипломен пусъемын.

Удмуртиысь калык ансамбльёс сяна, вожвылъяськонлэн улосвыл люкетэзлэн лауреатъёсыз луизы Киров, Саратов, Ульяновск улосвылъёсысь но Марий Эл элькунысь коллективъёс.

Огъяросси фестиваль-вожвылъяськонлэн улосвыл люкетаз пыриськем коллективъёс луонлык кылдытэмез понна Удмуртиысь лулчеберетъя министерстволы тау каро. Озьы ик ӟеч пумитамзы понна Саратовысь Лидия Русланова нимо калык творчествоя центрлы но Василий Поленов нимо калык творчествоя кун росси юртлы. Со сяна нимысьтыз тау кылъёссэс верало Удмуртиысь калык творчествоя юртъёсысь но центръёсысь ӧнерчиослы. 

Тодэ вайытом, улосвыл люкетъёсы пыриськем тужгес устоосыз коллективъёс Москваын вожвылъяськонлэн йылпумъясь люкетаз пыриськозы



Наверх
Вниз