Ижкар-19 °C
26 -тӥ тулыспал 2021 Удмуртарня
18+

Туала этнокультурая фестиваль нырысьсэ ортчоз Удмуртиын гудырикошконэ

  • 1844
  • 0
Ижкар / Удмуртия
Туала этнокультурая фестиваль нырысьсэ ортчоз Удмуртиын гудырикошконэ
Туспуктэм: Григорий Фомин

9-тӥ гудырикошконэ Удмуртиын нырысьсэ туала этнокультурая «Тангыра» фестиваль ортчоз. Со сярысь ужрадлэн «ВКонтакте» мерлыко вотэсысь огиназ ивортэмын.

Ижкарысь Киров нимо паркысь фан-зонын радъяськись «Тангыра» фестиваль искусстволэсь пӧртэм удысъёссэ но оръёссэ огазеялоз

Ужрадэ Россилэн сизьым улосвылъёсысьтыз  13 крезьгуро ӵектосъёс пыриськозы: анай кылынызы кырӟась рок-группаос, рэп но поп быдэстӥсьёс. Ужрадэ финн-угор, славян, тюрк, кавказ выжыысь егитъёс пыриськозы.


Фестиваль улсын улэп крезьгуро адӟытонъёс, мастер-классъёс, этнофутуристической перформансъёс, кино адӟытонъёс, дизайн-маркет но творчествоя лабораториос ужалозы.

«Тангыра» фестивальлэн ужанрадлыкез:

  • 10 часысен 14 часозь – саундчек, репетициос;
  • 14 часын – площадкаослэн ужзы (дизайн-маркет но мастер-классъёс), туала финн-угор киноез но анимациез возьматон;
  • 15 часысен 15 час 45 минутозь – «Тангыра зовёт нас» ужрадэз усьтон перформанс («Далай-булай» финн-угор шаман оркестр но вань куноос);
  • 16 часысен 23 часозь – Россиысь туала этно-фолк коллективъёслэн но быдэсъясьёслэн концертсы.
 Тангыра – аспӧртэм удмурт «тамтам». Гурт дорын, кык пужымъёс вискын, вал сиослэсь керттэм калъёс борды кызлэсь ӝыныё пилем пуклёос ошылӥзы, котькудзылэн аслаз куараез вал. Соос борды кокаса, огез гурт мукетызлы ивор вуттылӥз.

Ватсалом, фестивалез Удмуртиысь Калыкъёслэн эшъяськон юртысьтызы мукет кунъёсын но финн-угор калыкъёсын вачеужанъя ёзэт радъя. 

Тодэ вайытом, 12-тӥ инвожое Иж тымет дурын «МатрешкаFEST» йӧскалыккуспо фестиваль ортчоз



Наверх
Вниз